ସହରରେ ବୁଲୁଥିବା ନାବାଳକକୁ ଉଦ୍ଧାର କଲେ ଜିଲ୍ଲା ଶିଶୁ ସୁରକ୍ଷା ଅଧିକାରୀ 

ଅନୁଗୁଳ:

ଅନୁଗୁଳ ସହରରେ ବୁଲୁଥିବା କିଛି ନାବାଳକ ଓ ନାବାଳିକାଙ୍କ ଉପରେ ନଜର ରଖିଛି ଜିଲ୍ଲା ଶିଶୁ ସୁରକ୍ଷା କମିଟି। ଏହିକ୍ରମରେ ଆଜି ସକାଳ ସମୟରେ ୫ ବର୍ଷର ଜଣେ ନାବାଳକ ଏଣେତେଣେ ବୁଲି ଭିକ୍ଷାବୃତ୍ତି କରୁଥିବାର କିଛି ସମାଜସେବୀ ଦେଖିବାକୁ ପାଇଥିଲେ । ଏହି ଖବର ଜିଲ୍ଲା ଶିଶୁ ସୁରକ୍ଷା ଅଧିକାରୀ ଗୌରୀ ଶଙ୍କର ବେହେରା ଙ୍କୁ ମିଳିଥିଲା । ଘଟଣା ସ୍ଥଳକୁ ଜିଲ୍ଲା ଶିଶୁ ସୁରକ୍ଷା ଅଧିକାରୀ ପହଞ୍ଚି ନାବାଳକ କୁ ଉଦ୍ଧାର କରିଥିଲେ। ନାବାଳକ କୁ ଉଦ୍ଧାର କରି CWC କୁ ହସ୍ତାନ୍ତର କରାଯାଇଛି। ତେବେ ନାବାଳକ ଜଣକ ଅଣ ଓଡିଆ ହୋଇଥିବା ଜଣାପଡିଛି ।ଜିଲ୍ଲା ଶିଶୁ ସୁରକ୍ଷା ଅଧିକାରୀ ମତ ପ୍ରକାଶ କରିଛନ୍ତି ଯେ, ଜିଲ୍ଲାରେ ଅଧିକାଂଶ ଭିକ୍ଷାବୃତ୍ତି କରୁଥିବା ଶିଶୁ ମାନଙ୍କୁ ଉଦ୍ଧାର କରାଯାଉଛି ଓ ସଚେତନ କରାଯାଉଛି ।