ନାମ ସଂକୀର୍ତ୍ତନ ସହ ପ୍ରଧାନ ଶିକ୍ଷକଙ୍କୁ ଅବସରକାଳୀନ ବିଦାୟ ସମ୍ବର୍ଦ୍ଧନା 

ଅନୁଗୁଳ : 

ଅନୁଗୁଳ ଜିଲ୍ଲାର ବଅଁରପାଳ ବ୍ଲକ ସାନ୍ତରାପୁର ‘ଖ’ ପଞ୍ଚାୟତ ସରକାରୀ ପ୍ରାଥମିକ ବିଦ୍ୟାଳୟ, ରାମିମୁଣ୍ଡାର ପ୍ରଧାନ ଶିକ୍ଷକ ଶ୍ରୀଯୁକ୍ତ ବସନ୍ତ କୁମାର ସାହୁଙ୍କୁ ରାମିମୁଣ୍ଡା ଗ୍ରାମବାସୀଙ୍କ ତରଫରୁ ଅବସରକାଳୀନ ବିଦାୟ ସମ୍ବର୍ଦ୍ଧନା ଦିଆଯାଇଛି। ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ରୀମତୀ ରୋଜାଲୀନ ଗଡନାୟକ, କମିଟିର ସମସ୍ତ ସଦସ୍ୟ ଓ ଗ୍ରାମବାସୀଙ୍କ ମିଳିତ ସହଯୋଗରେ ବିଦ୍ୟାଳୟ ପରିସରରେ ଏହି ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା। ମୁଖ୍ୟ ଅତିଥି ଭାବେ ପଞ୍ଚାୟତର ନାଏବ ସରପଞ୍ଚ ଶ୍ରୀମତୀ ମମତା ଗଡନାୟକ ଓ ବିଦ୍ୟାଳୟର ଶିକ୍ଷକ ଶ୍ରୀଯୁକ୍ତ ଶୀତକଣ୍ଠ ବେହେରା, ନରେଶ ଗଡନାୟକ ପ୍ରମୂଖ ମଞ୍ଚାସୀନ ଥିଲେ।ପ୍ରଧାନ ଶିକ୍ଷକ ଶ୍ରୀ ସାହୁ ଜଣେ ମେଳାପୀ, ମିଷ୍ଟଭାଷୀ, ଅତି ଆପଣାର ଓ ଉତ୍ତମ ଶିକ୍ଷକ ଭାବେ ପରିଚିତ ଥିଲେ। ଶ୍ରୀ ସାହୁ ଗ୍ରାମବାସୀଙ୍କ ସହ ମିଶି ଗାଁ ର ଜଣେ ସଦସ୍ୟ ଭାବେ ରହୁଥିଲେ। ଆଜିର ଏହି ବିଦାୟ କାଳୀନ ସମ୍ବର୍ଦ୍ଧନାରେ ସମସ୍ତ ଗ୍ରାମବାସୀ ଏକତ୍ରିତ ହୋଇ ନାମ ସଂକ୍ରୀତନ କରିବା ସହ ପ୍ରଧାନ ଶିକ୍ଷକ ବସନ୍ତ କୁମାର ସାହୁଙ୍କୁ ଗ୍ରାମ ପରିକ୍ରମା କରାଇଥିଲେ। ଏହି ସମୟରେ ସାରା ଗ୍ରାମବାସୀଙ୍କ ଆଖିରୁ ଲୁହ ର ଧାର ବୋହି ଯାଇଥିଲା। ଏତେଦିନର ନିବିଡ଼ ସମ୍ପର୍କ ଓ ଉତ୍ତମ ଶିକ୍ଷକତା ଗ୍ରାମବାସୀଙ୍କ ମନରେ ଶ୍ରୀ ସାହୁଙ୍କ ପ୍ରତି ଥିବା  ଭଲପାଇବା ଗ୍ରାମ ପରିକ୍ରମା ସମୟରେ ଦେଖିବାକୁ ମିଳିଥିଲା।ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ଶ୍ରୀ ସାହୁ ଗ୍ରାମବାସୀଙ୍କ ଏତେ ଭଲପାଇବା ଦେଖି ନିଜକୁ ସମ୍ଭାଳି ପାରିନଥିଲେ। ଦୁଇ ଆଖିରୁ ଧାର ଧାର ହୋଇ ଲୁହ ବୋହିଯାଇଥିଲା। ଗ୍ରାମବାସୀଙ୍କ ତରଫରୁ ଅଣାଯାଇଥିବା ଛୋଟ ଛୋଟ ଉପହାର ସାର୍ ଙ୍କୁ ଦିଆଯାଇଥିଲା। ଏହି ବିଦାୟ ସାରା ଗାଁକୁ ଦୁଃଖ ରେ ମ୍ରିୟମାଣ କରିଦେଇଥିଲା।