✓ ସ୍ବର୍ଗତ ହନୁ ଗୌଡ଼ ଙ୍କ ଦ୍ବାଦଶାହ କାର୍ଯ୍ୟକ୍ରମ ରେ ଯୋଗଦାନ
କୁକୁଡାଖଣ୍ଡି (ଇପିଲି ପୁର୍ଣ୍ଣଚନ୍ଦ୍ର): ଦିଗପହଣ୍ଡି ବ୍ଳକ କଇଠଖଣ୍ଡି ପଞ୍ଚାୟତର ପୂର୍ବତନ ସରପଞ୍ଚ ତଥା ଅବସରପ୍ରାପ୍ତ ପ୍ରଧାନଶିକ୍ଷକ ସ୍ବର୍ଗତ ହନୁ ଗୌଡ଼ ଙ୍କ ଦ୍ବାଦଶ କାର୍ଯ୍ୟ ଅବସରରେ ବୁଧବାର ଦିନ ନିଜ ପୈତୃକ ଗ୍ରାମ ବୋରିପଦର ଠାରେ ଏକ ଶ୍ରଦ୍ଧାଞ୍ଜଳୀ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା । ଏହି ପରିପ୍ରେକ୍ଷୀରେ ପରିବାର ଓ ତିନି ତାଲୁକା ଗୋପାଳ ସମାଜର ମିଳିତ ପ୍ରଚେଷ୍ଟାରେ ତାଙ୍କର ଅଭୁଲା ଦିନର ସ୍ମୃତିକୁ ମନେ ପକାଇବା ଉଦ୍ଦେଶ୍ୟରେ ଏକ ସ୍ମରଣିକା ପୁସ୍ତକ ଉନ୍ମୋଚନ କରିବା ସହ ଏକ ସ୍ବେଚ୍ଛାକୃତ ରକ୍ତଦାନ ଶିବିର କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା । ଏହି ଶ୍ରଦ୍ଧାଞ୍ଜଳୀ ଦିବସରେ କଂଗ୍ରେସ ର ପୂର୍ବତନ ଲୋକ ସଭା ପ୍ରାର୍ଥୀ ଶ୍ରୀଯୁକ୍ତ ଚନ୍ଦ୍ରଶେଖର ନାଇଡୁ ,ବରିଷ୍ଠ କଂଗ୍ରେସ ନେତା ସାକା . ସୁଜିତ୍ କୁମାର, ପୂର୍ବତନ ଜିଲ୍ଲାପରିଷଦ ଶ୍ରୀଯୁକ୍ତ ବୃନ୍ଦାବନ ଖଟେଇ ଓ କୁକୁଡାଖଣ୍ଡି ଗ୍ରାମ ର ସମାଜସେବୀ ଭାବରେ ପରିଚିତ ଶ୍ରୀଯୁକ୍ତ ଦିଲ୍ଲୀପ କୁମାର ପାତ୍ର ଓ ବହୁ ଗଣ୍ୟମାନ୍ୟ ବ୍ୟକ୍ତି, ରାଜନେତା, ଶିକ୍ଷକ ଶିକ୍ଷୟିତ୍ରୀ ପ୍ରମୁଖ ଦୁର୍ବଳ କାର୍ଯ୍ୟରେ ଯୋଗଦେଇ ସ୍ବର୍ଗତ ଶ୍ରୀ ଗୌଡ଼ ଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜଣାଇଥିଲେ । ଏଥିସହ ବିଭିନ୍ନ ସ୍ଥାନରୁ ଆସିଥିବା ଅତିଥୁ ଏବଂ ତାଙ୍କରି ଆଦର୍ଶରେ ପାଠ ପଢିଥିବା ପୁରାତନ ଛାତ୍ରମାନେ ଉପସ୍ଥିତ ରହି ସେହି ଅତୀତ ଦିନରେ ହୋଇଥିବା ଦୁଇପଦ କଥାକୁ ପରିପ୍ରକାଶ କରିଥିଲେ । ଶେଷରେ ବାପାଙ୍କ ଭଳି ତାଙ୍କ ପୁତ୍ର ତଥା ସ୍ଥାନୀୟ ସରପଞ୍ଚ ମନୋରଞ୍ଜନ ଗୌଡ଼ ପଞ୍ଚାୟତର ବିକାଶ ଏବଂ ଶିକ୍ଷା ଓ ସ୍ୱାସ୍ଥ୍ୟ କ୍ଷେତ୍ରରେ ଗୁରୁତ୍ବ ଦେଇ ଆସୁଥିବା ଯୋଗୁଁ ଖୁବ୍ ପ୍ରଶଂସା କରିବା ସହ ସମସ୍ତ ଜଳ ପ୍ରତିନିଧି ଉପସ୍ଥିତ ରହି ସହଯୋଗ ପ୍ରଦାନ କରିଥିଲେ ।