ବରିଷ୍ଠ ନାଗରିକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ଓ ଲାଞ୍ଚ କାରବାର ବନ୍ଦ ପାଇଁ ମାନବ ଅଧିକାର ସୁରକ୍ଷା ମଞ୍ଚର ଦାବୀ

ବ୍ରହ୍ମପୁର
ଦକ୍ଷିଣ ଓଡିଶାର ପ୍ରାଣକେନ୍ଦ୍ର ଏମକେସିଜି ମେଡିକାଲରେ ବରିଷ୍ଠ ନାଗରିକଙ୍କ ପାଇଁ କୌଣସି ସ୍ୱତନ୍ତ୍ର ସୁବିଧା କରାଯାଉନଥିବାରୁ ଜନ ମହଲରେ ଖୁବ ନୈରାଶ୍ୟଭାବ ସୃଷ୍ଟି ହେଉଛି l ପ୍ରକାଶ ଥାଉ କି, ମାନବ ଅଧିକାର ସୁରକ୍ଷା ମଞ୍ଚ ପକ୍ଷରୁ ଲଗାତାର ଆନ୍ଦୋଳନ ଦ୍ୱାରା ଏକାଦl ବରିଷ୍ଠ ନାଗରିକଙ୍କ ଚିକିତ୍ସା ପାଇଁ ଖୋଲାଯାଇଥିବା ଜେରିଆଟ୍ରିକ ବିଭାଗ ବର୍ତମାନ ଆଉ କାର୍ଯ୍ୟକାରୀ ହେଉନାହିଁ l ଯାହାଫଳରେ ଶହ ଶହ ସଂଖ୍ୟାରେ ଆସୁଥିବା ବରିଷ୍ଠ ନାଗରିକ ନାନା ଅସୁବିଧାର ସମ୍ମୁଖୀନ ହେଉଛନ୍ତି l ବହିର୍ବିଭାଗର କୌଣସି ବିଭାଗରେ ବରିଷ୍ଠଙ୍କ ପାଇଁ ସ୍ୱତନ୍ତ୍ର ଲାଇନ ନଥିବାରୁ ଘଣ୍ଟା ଘଣ୍ଟା କାଳ ସେମାନେ ଛିଡା ହୋଇରହନ୍ତି ଓ ବେଳେବେଳେ ଅପେକ୍ଷା କରିଥିବା କିଛି ରୋଗୀଙ୍କ ଅବସ୍ଥା ଅଧିକ ସଂକଟlପନ୍ନ ହୋଇଯାଏ l ଏଣୁ ବହିର୍ବିଭାଗର ଟିକେଟ କାଉଣ୍ଟରଠୁ ଆରମ୍ଭ କରି ସମସ୍ତ ବିଭାଗରେ ବରିଷ୍ଠ ନାଗରିକଙ୍କୁ ପ୍ରାଥମିକତା ଦିଆଯାଉ ଓ ତାଙ୍କ ପାଇଁ ସ୍ୱତନ୍ତ୍ର ଧାଡି କରାଯାଉ l ମେଡିକାଲରେ ମୁତୟନ କିଛି ଅସାଧୁ ସୁରକ୍ଷା କର୍ମଚାରୀ ଡାକ୍ତରଙ୍କୁ ପ୍ରଥମେ ଦେଖାକରିବା ଓ ପରୀକ୍ଷା କରାଇବା ପାଇଁ ଲୋକଙ୍କଠୁ ଲାଞ୍ଚ ନେଇଥାନ୍ତି, ଯାହାଫଳରେ ଅନେକ ନିରୀହ ଗରିବ ଜନସାଧାରଣଙ୍କୁ ବହୁ ସମୟ ଅପେକ୍ଷା କରିବାକୁ ପଡେ l ଏ ପ୍ରକାର ଲାଞ୍ଚ କାରବାର ବନ୍ଦ ସହ ବରିଷ୍ଠ ନାଗରିକଙ୍କୁ ସ୍ୱତନ୍ତ୍ର ସୁବିଧା କରିବାକୁ ମାନବ ଅଧିକାର ସୁରକ୍ଷା ମଞ୍ଚର ସାଧାରଣ ସମ୍ପାଦକ ସୁବାଷ ମିଶ୍ର ଓ ସହସମ୍ପାଦକ କବିରାଜ ସାହୁ ଏକ ପ୍ରେସ ବିବୃତି ମାଧ୍ୟମରେ ଦାବୀ କରିଛନ୍ତି l