ଓଡିଶା ଆର୍ଥ୍ରାଇଟିସ ଆଣ୍ଡ ରୀଉମାଟୋଲୋଜି  ଫାଉଣ୍ଡେସନ ଟ୍ରଷ୍ଟ (ଓ ,ଏ,ଆର,ଏଫ,ଟି) ଆନୁକୂଲ୍ୟ ରେ “ଜାତୀୟ ଅସ୍ଥି ଏବଂ ଗଣ୍ଠି ଦିବସ “  ପାଳିତ

ଅସ୍ଥି ଆମ ଶରୀରକୁ ଆକାର ଏବଂ ଗଠନ ପ୍ରଦାନ କରିଥାଏ, ଏବଂ ଗଣ୍ଠିଗୁଡ଼ିକ ଗତି ଓ ନମନୀୟତାକୁ ସହଜ କରିଥାଏ | ବୟସ କିମ୍ବା କିଛି ଚିକିତ୍ସା ଅବସ୍ଥା ହେତୁ, ଅସ୍ଥି ଏବଂ ଗଣ୍ଠି ସମସ୍ୟା ଉପୁଜିପାରେ- ଯାହା ଅସ୍ୱାଭାବିକତା, ସୀମିତ ଗତିଶୀଳତା ଏବଂ ଅଷ୍ଟିଓଆର୍ଥ୍ରାଇଟିସ୍, ରିମାଟଏଡ୍ ଆର୍ଥ୍ରାଇଟିସ୍, ଓ ଅଷ୍ଟିଓପୋରୋସିସ୍ ଭଳି ଗୁରୁତର ଅବସ୍ଥା ସୃଷ୍ଟି କରିଥାଏ |

ପ୍ରତିବର୍ଷ ଅଗଷ୍ଟ ମାସ 4 ତାରୀଖ ରେ ହାଡ  ଓ ଗଣ୍ଠି ବାତ ଜନିତ ସମସ୍ୟା ବିଷୟରେ ସଚେତନତା ସୃଷ୍ଟି କରିବା  ପାଇଁ ଭାରତରେ “ଜାତୀୟ ଅସ୍ଥି ଏବଂ ଗଣ୍ଠି ଦିବସ “ ପାଳନ କରାଯାଏ। ଏହି ଦେଶବ୍ୟାପୀ ସ୍ୱାସ୍ଥ୍ୟ ଅଭିଯାନ ୨୦୧୨ ମସିହାରେ ଭାରତ ବର୍ଷ ରେ ଆରମ୍ଭ ହୋଇଥିଲା ଯାହା ସମସ୍ତ ବୟସ ବର୍ଗର ଲୋକଙ୍କ ମଧ୍ୟରେ ଦୃଢ ହାଡ ଏବଂ ଗଣ୍ଠିର ମହତ୍ତ୍କୁ ଦର୍ଶାଇଥାଏ | ହାଡ ଏବଂ ଗଣ୍ଠି କାର୍ଯ୍ୟ ପାଇଁ ଉତ୍ସର୍ଗୀକୃତ ଏହି ଦିବସ ହାଡ ଏବଂ ଗଣ୍ଠି  ବିଷୟରେ ସଚେତନତା ସୃଷ୍ଟି କରିବା  ଏବଂ ଜନସାଧାରଣଙ୍କୁ ଆନୁଷଙ୍ଗିକ ଅବସ୍ଥାର ନିରାକରଣ, ଚିକିତ୍ସା ଏବଂ ପରିଚାଳନା ବିଷୟରେ ଶିକ୍ଷା ଦେବା କୁ  ଲକ୍ଷ୍ୟ ରଖିଛି | ଏହି ଦିବସ ରେ ବିଭିନ୍ନ କାର୍ଯ୍ୟକଳାପ ଯେପରିକି କର୍ମଶାଳା, ସେମିନାର, ସ୍ୱାସ୍ଥ୍ୟ ସ୍କ୍ରିନିଂ, ଶାରୀରିକ ସୁସ୍ଥତା କାର୍ଯ୍ୟକ୍ରମ, ଆଦି ଆୟୋଜନ କରାଯାଏ |

 ଏହି ଅବସରରେ ଓଡିଶା ଆର୍ଥ୍ରାଇଟିସ ଆଣ୍ଡ ରୀଉମାଟୋଲୋଜି  ଫାଉଣ୍ଡେସନ ଟ୍ରଷ୍ଟ (ଓ ,ଏ,ଆର,ଏଫ,ଟି) ଓ ଓଡିଶା ଆର୍ଥ୍ରାଇଟିସ ଆଣ୍ଡ ରୀଉମାଟୋଲୋଜି ସେଣ୍ଟର  (ଓ, ଏ, ଆର, ସି,) ଆନୁକୂଲ୍ୟ ରେ ଏକ ଜନ ସଚେତନତା କର୍ଯ୍ୟକ୍ରମ କରାଯାଇଛି | ହାଡ ଏବଂ  ଗଣ୍ଠି ସ୍ୱାସ୍ଥ୍ୟ ପାଇଁ ଉପଯୁକ୍ତ ଅଭ୍ୟାସ, ବ୍ୟାୟାମ ଏବଂ ଉପଯୁକ୍ତ ପୁଷ୍ଟିକର ଖାଦ୍ୟକୁ   ଖାଇ ରୋଗ ର ଉପଶମ ପାଇଁ ଚେଷ୍ଟା କରିବାକୁ ଅନୁଷ୍ଠାନ ର ବରିଷ୍ଠ ଡାକ୍ତର ପ୍ରଫେସର ଡଃ . ଜ୍ୟୋତି ରଞ୍ଜନ ପରିଡା ତାଙ୍କ ଅବିଭାଷଣ ମାଧ୍ୟମ ରେ ପ୍ରକାଶ କରିଥିଲେ| ଏହି କାର୍ଯ୍ୟକ୍ରମ ରେ ପ୍ରାୟ ୫୦ ରୁ ୬୦ ଜାଣ ଗଣ୍ଠି ବାତ ରୋଗୀ ଉପସ୍ଥିତ ରହିଥିଲେ | ଏଥିରେ ଓଡିଶା ଆର୍ଥ୍ରାଇଟିସ ଆଣ୍ଡ ରୀଉମାଟୋଲୋଜି ସେଣ୍ଟର ର ସମସ୍ତ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମ କୁ ସୁପରିଚାଳନା କରିଥିଲେ |

ଭୁବନେଶ୍ୱର ସହୀଦ ନଗର ଠାରେ  ଥିବା , ଓଡିଶା ଆର୍ଥ୍ରାଇଟିସ ଆଣ୍ଡ ରୀଉମାଟୋଲୋଜି ସେଣ୍ଟର  (ଓ, ଏ, ଆର, ସି,) ଆର୍ଥ୍ରାଇଟିସ  ଚିକିତ୍ସା ପାଇଁ ଏକ ଅଗ୍ରଣୀ କେନ୍ଦ୍ର ଯାହା ଅଟୋ ଇମ୍ୟୁନ ରେ ପୀଡିତ ଲୋକ ମାନଙ୍କୁ ଉନ୍ନତ ରୀଉମାଟୋଲୋଜି ଚିକିତ୍ସା ପ୍ରଦାନ  କରିଥାଏ | ଅଳ୍ପ ସମୟ ମଧ୍ୟରେ ଏହା ଆର୍ଥ୍ରାଇଟିସ ଓ ଅଟୋଇମ୍ୟୁନ ରୋଗ ଚିକିତ୍ସା ପାଇଁ ସବୁଠାରୁ ବିଶ୍ଵସ୍ଥ ଚିକିତ୍ସା ଅନୁଷ୍ଠାନ ଭାବେ ବିକଶିତ ହୋଇଛି | ଏହା ସୁପର ସ୍ପେସାଲିଟି ରୀଉମାଟୋଲୋଜି ପରାମର୍ଶ ସମେତ ସମସ୍ତ ଅତ୍ୟାଧୁନିକ ସୁବିଧା ଯୋଗାଇ ଦେଉଛି |ଷ୍ଟେଟ ଅଫ ଆର୍ଟ ଅଟୋ ଆଣ୍ଟିବଡ଼ି ଲାବ, ଅତ୍ୟାଧୁନିକ ଜୈବ ଚିକିତ୍ସା, ଏହି ରୋଗୀ ମାନଙ୍କୁ ସାହାଯ୍ୟ କରିବା ପାଇଁ ଅନୁକମ୍ପାମୂଳକ  ସହାୟକ  କର୍ମଚାରୀଙ୍କ ବ୍ୟତୀତ ବିକୃତି ର ଯତ୍ନ ନେବା ପାଇଁ ସମର୍ପିତ ଫିଜିଓଥେରାପି ଉପଲବ୍ଧ ଅଛି|