ଏରୋନଟିକସ ଡିଏଭି ଉଚ୍ଚ ବିଦ୍ୟାଳୟରେ ଜାତୀୟ କୃମି ନାଶକ ଦିବସ ପାଳିତ 

ସେମିଳିଗୁଡା  :ସୁନାବେଡ଼ା ମିଗ୍ ନଗରୀ ସ୍ଥିତ ଏରୋନଟିକସ ଡିଏଭି ଉଚ୍ଚ ବିଦ୍ୟାଳୟରେ ଜାତୀୟ କୃମି ନାଶକ ଦିବସ ପାଳିତ ହୋଇଯାଇଛି।ଏହି ଉପଲକ୍ଷେ ବିଦ୍ୟାଳୟ ର ସମସ୍ତ ଛାତ୍ରଛାତ୍ରୀ ମାନଙ୍କୁ କୃମି ନାଶକ ବଟିକା ଖାଇବାକୁ ଦିଆଯାଇଥିଲା। ଏହି ପରିପ୍ରେକ୍ଷୀରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ପ୍ରଧାନ ଶିକ୍ଷକ  ପ୍ରଦୀପ କୁମାର ମିଶ୍ର ଏହି ଦିବସର ମହତ୍ୱ ବିଷୟରେ ଆଲୋକପାତ କରିବା ସହ କୃମି  ସଂକ୍ରମଣ ର କାରଣ, ନିରାକରଣ ତଥା ପ୍ରଭାବ ଉପରେ ଆଧାରିତ ବକ୍ତବ୍ୟ ରଖିଥିଲେ।ପ୍ରଥମ ବଟିକା ପ୍ରଧାନ ଶିକ୍ଷକ ନିଜ ହାତରେ  ଜଣେ ଛାତ୍ରୀ କୁ ଖୁଆଇଥିଲେ। କାର୍ଯ୍ୟକ୍ରମରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ସକ୍ରୀୟ ଭାଗ ନେଇଥିଲେ।