ଖପ୍ରାଖୋଲ ରେ କୃଷି ସଚେତନତା ରଥ,

ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ କୃଷି ଉତ୍ପାଦନ ବୃଦ୍ଧି ପାଇଁ ସଚେତନା

ଖପ୍ରାଖୋଲ ୧୦/୮ ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ସଦର ମହକୁମା ରୁ କୃଷି ସଚେତନତା ରଥ ବାହାରି ଗୁରୁବାର ବିଭିନ୍ନ ଗାଁ ବୁଲି ସଚେତନ କରିଥିବା ଜଣାଯାଇଛି। ବ୍ଲକ୍ କୃଷି ଅଧିକାରୀ ସନ୍ତୋଷ କୁମାର ମେହେର ବ୍ଲକ୍ ସ୍ତରରେ ସବୁଜ ପତାକା ଦେଖାଇ କୃଷି ରଥ ଶୁଭାରମ୍ଭ କରିଥିଲେ। ଏହି ଅବସରରେ କୃଷି ରଥ ଓଡ଼ିଆପାଲି , ଭାଲୁଡୁଙ୍ଗୁରି, ଖପ୍ରାଖୋଲ, ଘୁନସର, ତେଲେନପାଲି, ରେଙ୍ଗାଲି, ମହରାପଦର ପ୍ରମୁଖ ଗାଁ ରେ ପଥ ପ୍ରାନ୍ତ ସାଂସ୍କୃତିକ କାର୍ଯ୍ୟକ୍ରମ ମାଧ୍ୟମରେ ରେ ସରକାରଙ୍କ କୃଷି ସମ୍ବନ୍ଧୀୟ ବିଭିନ୍ନ ଯୋଜନା ଉପରେ ସୂଚନା ଦେବା ସହ ସମନ୍ୱିତ କୃଷି, ମାଟି ପରୀକ୍ଷା, ରୋଗପୋକ ନିୟନ୍ତ୍ରଣ ଉପରେ ଲୋକଙ୍କୁ ସଚେତନ ବାର୍ତ୍ତା ଦେଇଥିଲେ। ଏହି ଅବସରରେ ଗ୍ରାମ୍ୟ କୃଷି କର୍ମଚାରୀ ବବିତା ପାଣିଗ୍ରାହୀ, ଇପ୍ସିତା ବାରିକ, ମାନସ କୁମାର ସାହା ପ୍ରମୁଖ ଉପସ୍ଥିତ ଥିଲେ।