ଗୋ ମାଂସ ବୋଝେଇ ପିକଅପ ଭ୍ୟାନ ଜବତ, ଚାଳକ ଗିରଫ।

ନିମାପଡ଼ା,(ପି.ଏନ )ପୁରୀ ଜିଲ୍ଲା ଅନ୍ତର୍ଗତ ଚାରିଛକ ଥାନା ର କୁସୁମା ଠେଙ୍ଗ ଗାଁ ନିକଟରୁ ଚାରିଛକ ଥାନା ପୁଲିସ ଏକ ଗୋ ମାଂସ ବୋଝେଇ ବୋଲେରୋ ପିକଅପ ଭ୍ୟାନ କୁ ଜବତ କରିବା ସହିତ ଗାଡ଼ି ଚାଳକ କୁ ଗିରଫ କରିଛି। ଜବତ ମାଂସ ୧୦ କ୍ୱିଣ୍ଟାଲ ରୁ ଅଧିକ ହେବ । ଗୋ ମାଂସ ଚାଲାଣ ହେଉଥିବା ସମ୍ପର୍କ ରେ  ସ୍ଥାନୀୟ ଲୋକଙ୍କ ଠାରୁ ଅଭିଯୋଗ ପାଇ ଚାରିଛକ ଥାନା ଅଧିକାରିଣୀ ମମତା ବିଶ୍ବାଳ ଓ ଏସ ଆଇ କୃଷ୍ଣ ଚନ୍ଦ୍ର ପୃଷ୍ଟି ସଦଳବଳେ ଏକ ପିକ ଅପ ଭ୍ୟାନ କୁ ଯାଞ୍ଚ କରିବାରୁ ସେଥିରେ ଗୋ ମାଂସ ଚାଲାଣ ହେଉଥିବା ଜଣାପଡ଼ିଥିଲା। ଉକ୍ତ ଗୋ ମାଂସ ଅଡ଼ଶପୁର ର କୋରାଙ୍ଗ କୁ ଚାଲାଣ ହେଉଥିବା ପୋଲିସ୍ କହିଛି।ଏହି ଅଂଚଳରୁ ବ୍ୟାପକ ଭାବେ କୋଲକାତା ସହ ରାଜ୍ୟର ବିଭିନ୍ନ ଅଞ୍ଚଳକୁ ଗୋ ମାଂସ ଚାଲାଣ ହେଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ପୋଲିସ୍ ଜବତ ଗୋ ମାଂସ କୁ ପରୀକ୍ଷା ପାଇଁ ଫରେନ୍ସିକ ଲ୍ୟାବ କୁ ପଠାଇବା ସହ ଗାଡ଼ି ଚାଳକ ନିଆଳି ଥାନା ପସଙ୍ଗ ଗ୍ରାମ ର ସୟଦ ରସନ୍ ଙ୍କୁ ଗିରଫ କରି ନିମାପଡ଼ା କୋର୍ଟ କୁ ଚାଲାଣ କରିଛି।ଏହି ଘଟଣା ସମଗ୍ର ନିମାପଡ଼ା ଅଞ୍ଚଳ ରେ ଚର୍ଚ୍ଚା ର ବିଷୟ ପାଲଟିଛି।