ସେବା ସଙ୍ଗଠନ ତରଫରୁ ସଫେଇ କାର୍ଯ୍ୟକ୍ରମ

ଜେନାପୁର,(ପି.ଏନ୍) ଧର୍ମଶାଳା ବ୍ଲକ୍ ଅନ୍ତର୍ଗତ ଜାରକା ଅଧିନରେ ଥିବା ଗୋପବନ୍ଧୁ ପ୍ରତିମୂର୍ତ୍ତି ପରିସରରେ ଅସହାୟର ବନ୍ଧୁ ସେବା ସଙ୍ଗଠନ ତରଫରୁ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମଟି ସଙ୍ଗଠନର ସମ୍ପାଦକ ଶ୍ରୀଯୁକ୍ତ ଗଣେଶ୍ୱର ନାୟକଙ୍କ ଆବାହକତ୍ତ୍ୱରେ ପ୍ରତିମୂର୍ତ୍ତି ପାର୍ଶ୍ୱରେ ପଡିବା ଅଳିହା ଆବର୍ଜନା ସହ ବଢିଯାଇଥିବା ଘାସକୁ କୋଦାଳ,ଫାଉଡା,ଝାଡୁ ଓ ଝୁଡି ମାଧ୍ୟମରେ ପରିସ୍କାର ପରିଚ୍ଛନ୍ନ କରିଥିଲେ ।ଏହି ସଫେଇ ଅଭିଯାନରେ ସାମିଲ୍ ହୋଇଥିବା ସଦସ୍ଯମାନେ ହେଲେ କୋଷାଧ୍ଯକ୍ଷ ଶ୍ରୀଯୁକ୍ତ ପିତବାସ ନାୟକ ସଙ୍ଗଠନର ସକ୍ରିୟ ସଦସ୍ୟା କାଦମ୍ବିନୀ ମିଶ୍ର,ସନ୍ତୋଷ କୁମାର ଦାସ,ଅଜୟ କୁମାର ସେଠୀ ଓ ଅନ୍ୟ ସଦସ୍ୟମାନେ ସହଯୋଗ କରିଥିଲେ । ଏପରି ସଫେଇ କାର୍ଯ୍ୟକୁ ଦେଖି ସ୍ଥାନୀୟ ଅଞ୍ଚଳର ଆବାଳ ବୃଦ୍ଧବନିତା ମାନେ ଭୂୟଶ୍ରୀ ପ୍ରଶଂସା କରିଥିଲେ ।