ବ୍ରହ୍ମପୁର ସହରର ବିଭିନ୍ନ ସ୍ଥାନରେ ୭୭ତମ ସ୍ବାଧିନତା ଦିବସ ପାଳିତ

ବ୍ରହ୍ମପୁର – ସହରର ବିଭିନ୍ନ ସ୍ଥାନରେ ୭୭ତମ ସ୍ବାଧିନତା ଦିବସ ପାଳିତ ହୋଇଛି। ସରକାରୀ ଓ ବେସରକାରୀ କାର୍ଯ୍ୟାଳୟ ସମେତ ଘରୋଇ ଅନୁଷ୍ଠାନ ମାନଙ୍କରେ ମଧ୍ୟ ଆନନ୍ଦ ଉଲାସ ସହକାରେ ସ୍ବାଧିନତା ଦିବସକୁ ପାଳନ କରାଯାଇଛି। ଏହି ଅବସରରେ ସହର ମଧ୍ୟ ଭାଗରେ ଥିବା ମୁଖ୍ୟ ଡି ପାଉଲ୍ ସ୍କୁଲ ପରିସରରେ  ମଧ୍ୟ ଅତି ଆଡମ୍ବର ସହକାରେ ପାଳନ କରାଯାଇଛି ୭୭ତମ ସ୍ବାଧିନତା ଦିବସ। ଏଥିରେ ଡେପୁଟି କଲେକ୍ଟର ଶୁଭଶ୍ରୀ ରଥ ମୁଖ୍ୟ ଅତିଥି ଭାବେ ଯୋଗ ଦେଇ ବିଦ୍ୟାଳୟର ଅଧ୍ୟକ୍ଷ ରିଚାର୍ଡ ପ୍ରଧାନ ଓ ଉପାଧ୍ୟକ୍ଷ ରାଜୀବ ସିଂ ଙ୍କ ଉପସ୍ଥିତି ରେ ଜାତୀୟ ପତକା ଉତ୍ତୋଳନ କରିବା ସହ ଅଭିବାଦନ ଗ୍ରହଣ କରିଥିଲେ। ଭବିଷ୍ୟତ ଭାରତର ସ୍ବପ୍ନ ଶିଶୁମାନଙ୍କ ଗହଣରେ ଜାତିର ଜନକ ଙ୍କ ସମେତ ମହାପୁରୁଷ ମାନଙ୍କ ମହତବାଣୀ ସମ୍ପର୍କରେ ଅଭିଭାଷଣ ପ୍ରଦାନ କରିଛନ୍ତି। ଶିଶୁମାନେ  ପାରମ୍ବିକ ସଙ୍ଗୀତ ଠାରୁ ଆରମ୍ଭ କରି ଧନ୍ୟବାଦ୍ ପର୍ଯ୍ୟନ୍ତ ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ। ପୂର୍ବରୁ ଆୟୋଜିତ ବିଭିନ୍ନ ପ୍ରତିଯୋଗିତା ର କୃତି ପ୍ରତିଯୋଗୀଙ୍କୁ ବିଦ୍ୟାଳୟର ଅଧ୍ୟକ୍ଷ  ଓ ଉପାଧ୍ୟକ୍ଷଙ୍କ ଉପସ୍ଥିତି ରେ ମୁଖ୍ୟ ଅତିଥି ପୁରସ୍କାର ପ୍ରଦାନ କରିଛନ୍ତି। ଶେଷରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା ।