ଆମ୍ବପାଳ ଗ୍ରାମବାସୀ ଙ୍କ ଦ୍ଵାରା ହିଙ୍ଗୁଳା କୋଇଲା ଖଣି ବନ୍ଦ

ତାଳଚେର: ତା୧୬/୦୮: ଏମ୍ସିଏଲ ହିଙ୍ଗୁଳା କୋଇଲା ଖଣି କ୍ଷତିଗ୍ରସ୍ତ ଆମ୍ବପାଳ ପ୍ରଜାସଙ୍ଘ ର ସଭାପତି ଧର୍ମାନନ୍ଦ ଧର୍ମାନନ୍ଦ ମାଝୀ ଙ୍କ ନେତୃତ୍ୱରେ ବୁଧବାର ସକାଳୁ ଅନିର୍ଦ୍ଧିଷ୍ଟ କାଳ ପାଇଁ ହିଙ୍ଗୁଳା କୋଇଲା ଖଣି କୁ ସମ୍ପୂର୍ଣ ବନ୍ଦ କରାଯାଇଛି । ଗ୍ରାମର ଶତାଧିକ ମହିଳା ପୁରୁଷ ଖଣି ର ବିଭିନ୍ନ ସ୍ଥାନରେ ପିକେଟିଙ୍ଗ କରୁଛନ୍ତି ।ଏହି ଆନ୍ଦୋଳନରେ ନତଡା ପଂଚାୟତ ସମିତି ସଭ୍ୟ ସତ୍ୟନାରାୟଣ ମାଝୀ, ବିଜୟ ମାଝି,ପ୍ରଜାସଙ୍ଘ ର ସମ୍ପାଦକ ନାରାୟଣ ବେହେରା, କୁନା ସାହୁ, ବିଜୟ ବେହେରା, ସୁକାନ୍ତି ସାହୁ, ଜୁଲି ସାହୁ, ଅନୁପମା ସାହୁ, ପରମାନନ୍ଦ ନାଏକ, କୁଞ୍ଜ ନାଏକ, ଦାଶରଥି ବେହେରା, ପଞ୍ଚାନନ ନାଏକ, ପ୍ରଲୋଭନ ମାଝୀ, ନଳୀ ନାଏକ, ରୁକୁଣୀ ନାଏକ ପ୍ରମୁଖ ଆନ୍ଦୋଳନ ର ନେତୃତ୍ୱ ନେଇଛନ୍ତି l ଦାବିଗୁଡିକ ମଧ୍ୟରେ ଯଦି ଅଧିଗ୍ରହଣ ଜାଗାରେ ନିର୍ମାଣଧୀନ ଗୃହ ର ମୂଲ୍ୟ ପ୍ରଦାନ ନକରିବେ ତାହାହେଲେ 4(1)ବାତିଲ କରାଯାଉ, ଆମ ଅଂଚଳ କୁ ପ୍ରଦୂଷଣ ମୁକ୍ତ କରାଯାଉ, ନୂତନ ଭାବେପ୍ରସ୍ତାବିତ ରେଳ ପ୍ରକଳ୍ପ କୁ ବାତିଲ କରାଯାଉ ବୋଲି ଗ୍ରାମବାସୀ ଅଡ଼ି ବସିଛନ୍ତି।