ଭାରସାମ୍ୟ ହରାଇ ଗଛକୁ ପିଟିଲା ପିକଅପ , ୬ଗୁରୁତର ୨ ଆହତ
ବଣାଇଁ:- ୧୬/୮ (ସନ୍ତୋଷ କୁମାର ଅଟୀ ) ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ଗ୍ରାମ୍ୟ ପାନୀୟ ଜଳ ଯୋଗାଣ ଓ ପରିମଳ ବିଭାଗର ଜଣେ ଠିକାଦାର ନିକଟରେ କାର୍ଯ୍ୟ କରୁଥିବା କିଛି କର୍ମଚାରୀ ଖଣ୍ଡାଧାର ବୁଲିବାକୁ ଏକ ପିକଅପ ଭ୍ୟାନ ଯୋଗେ ଯାଉଥିବା ବେଳେ ଭାରସାମ୍ୟ ହରାଇ ଏକ ଗଛକୁ ପିଟି ଦେଇଥିଲା ଫଳରେ ଗାଡ଼ିରେ ଥିବା ୮ଜଣ ଯାତ୍ରୀ ଘଟଣା ସ୍ଥଳରେ ଗୁରୁତର ହୋଇ ଯାଇଥିଲେ ଫଳରେ ତାଙ୍କୁ ଆମ୍ବୁଲାନ୍ସ ସାହାଯ୍ୟରେ ବଣାଇ ଉପଖଣ୍ଡ ଚିକିତ୍ସାଳୟକୁ ଅଣାଯାଇ ଚିକିତ୍ସା କରାଯାଉଥିବା ବେଳେ ୬ଜଣ ଗୁରୁତର ହେବାରୁ ତାଙ୍କୁ ରାଉରକେଲା ସ୍ଥାନାନ୍ତର କରାଯାଇଥିବା ବେଳେ ବଣାଇଁରେ ୨ଜଣ ଚିକିତ୍ସା ହେଉଛନ୍ତି । ଏମାନେ ସମସ୍ତେ ବିହାର ଅଞ୍ଚଳର ବୋଲି ଜଣାପଡିଛି । ସେମାନେ ହେଲେ ବିଜୟକୁମାର, ନିରଜ କୁମାର, ଦିଲ୍ଲୀଖୁସ କୁମାର, ସମୀର କୁମାର, ବରିଷ୍ଟ କୁମାର, ଲୋକେଶ କୁମାର, ବୋଲି ଡାକ୍ତରଖାନାରୁ ସୂଚନା ମିଳିଛି, ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।