*ଗୋପବନ୍ଧୁ ପ୍ରେସ୍ କ୍ଲବ୍ ତରଫରୁ ସ୍ୱାଧିନତା ଦିବସ ପାଳିତ

ଜେନାପୁର(ପି.ଏନ୍) ଯାଜପୁର ଜିଲ୍ଲାର ଧର୍ମଶାଳା ବ୍ଲକ୍ ଅନ୍ତର୍ଗତ ବିଭିନ୍ନ ପଞ୍ଚାୟତ,ବ୍ୟାଙ୍କ୍,ବିଦ୍ୟାଳୟ, ମହାବିଦ୍ୟାଳୟ,ସମାଜସେବୀ ଅନୁଷ୍ଠାନ,କୋର୍ଟ କଚେରୀ,ବ୍ଲକ୍ କାର୍ଯ୍ୟାଳୟ ଓ ସମସ୍ତ ସରକାରୀ କାର୍ଯ୍ୟାଳୟ ପରିସରରେ ଦେଶର ମହାନତାକୁ ବଜାଇ ରଖିବା ପାଇଁ ପ୍ରତି ବର୍ଷ ପରି ଏ ବର୍ଷ ମଧ୍ୟ ୭୭ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । ସେହିପରି  ଜେନାପୁର ଥାନା ଅଧିନରେ ଥିବା ସ୍ଥାନାନ୍ତରିତ ନୂତନ କରି ସାମ୍ବାଦିକ ସଦସ୍ୟମାନଙ୍କୁ ନେଇ ଗଢି ଉଠିଥିବା ଗୋପବନ୍ଧୁ ପ୍ରେସ୍ କ୍ଲବ୍ ତରଫରୁ  ୭୭ତମ ସ୍ୱାଧିନତା ଦିବସ କନ୍ତପଡା ଠାରେ ପାଳିତ ହୋଇଯାଇଛି । ଏଥିରେ ସଭାପତି ଶ୍ରୀଯୁକ୍ତ ଅଶୋକ ଦାସଙ୍କ ଆବାହକତ୍ତ୍ୱରେ ବିଦ୍ୟାଳୟର  ଛାତ୍ରଛାତ୍ରୀ,ବିଦ୍ୟାଳୟର ଶିକ୍ଷକଙ୍କ ଦ୍ୱାରା କାର୍ଯ୍ୟକ୍ରମଟି ଆୟୋଜିତ କରାଯାଇଥିଲା । କବାଟବନ୍ଧ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର  ନିହାର ରଞ୍ଜନ କର  ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଡାକ୍ତର କରଙ୍କୁ କ୍ଲବର ସଦସ୍ୟମାନେ ପାଖରେ ପାଇବା ପରେ ପ୍ରେସ୍ କାର୍ଯ୍ୟାଳୟକୁ ପୁଷ୍ପଗୁଚ୍ଛ ଦେଇ ପାଛୋଟି ନେଇଯାଇଥିଲେ । କିଛି ସମୟ ପରେ ଡାକ୍ତର କର ଓ ପୂର୍ବତନ ଶିକ୍ଷକଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ଉପସ୍ଥିତ ରହିଥିବା ଛାତ୍ରଛାତ୍ରୀ,ଶିକ୍ଷକ ସହଯୋଗରେ ଡାକ୍ତର କରଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ କରିଥିଲେ । ପରେ ଛାତ୍ରଛାତ୍ରୀମାନଙ୍କ ସହଯୋଗରେ ଜାତୀୟ ସଂଗୀତ ଗାନ ସହ ସହିଦ୍ ବୀରପୁତ୍ରମାନଙ୍କ ସ୍ମୃତି ଉଜିବିତ କରିବା ପାଇଁ ଜୟଗାନରେ ପରିସର ଭକ୍ତିମୟ ସୃଷ୍ଟି ହୋଇଥିଲା । ଏଥିରେ କ୍ଲବ୍ ର ସଂପାଦକ ଶ୍ରୀଯୁକ୍ତ ଚିତ୍ରସେନ୍ ନାଥ,କୋଷାଧ୍ଯକ୍ଷ ସୁନିଲ୍ ପାଢି,ବସନ୍ତ ମଲ୍ଲିକ୍,ନିଷ୍କାନ୍ତ ଖଟୁଆ,ପ୍ରଶାନ୍ତ କୁମାର ସାମଲ ଓ ଅନ୍ୟ ସଦସ୍ୟମାନଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ମଣ୍ତିତ ହେଇଥିଲା ।