ଧାନ ଚାଉଳ ଖାଇଲେ , ଘର ଭାଙ୍ଗିଲେ ଦୁଇ ଦନ୍ତାହାତୀ ।

ବଣାଇଁ – ୧୭/୮(ସନ୍ତୋଷ କୁମାର ଅଟୀ) ବଣାଇଁ ରେଞ୍ଜ ଅନ୍ତର୍ଗତ ଧରଣୀଧର ସେକ୍ସନରେ ଗତ କିଛି ହେବ ଦୁଇଟି ଦନ୍ତାହାତୀ ଘୁରିବୁଲି ଘର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରିଥିବା ନେଇ ଅଭିଯୋଗ ହୋଇଛି ।ତେବେ ରାତି ସମୟ ବା ଭୋର୍ ସମୟରେ ଏହି ଦୁଇ ଦନ୍ତାହାତୀ ଖାଦ୍ୟ ଅନୁସନ୍ଧାନରେ ବିଭିନ୍ନ ଗ୍ରାମରେ ପଶି ଘରର କାନ୍ଥ ଭାଙ୍ଗିବା ସହ ଲୋକଙ୍କ ଧାନ ଚାଉଳ ଖାଇ ସାମଗ୍ରୀ ନଷ୍ଟ କରୁଛନ୍ତି । ହାତୀ ଭାଙ୍ଗିଥିବା ଘର ଗୁଡ଼ିକ ହେଲା ନୁଆପାଲି ଗ୍ରାମର ରାଜେନ୍ଦ୍ର ନାଏକ, ପାଣ୍ଡୁରିଶିଲା ଗ୍ରାମର ରିନା ବଳ,ଅଞ୍ଜୁରାଜ ପାତ୍ର, ଦରେଇକେଳା ଗ୍ରାମର ଡମ୍ବରୁଧର କିସାନ, ଦୈତାରୀ କିସାନଙ୍କ ଘର ଭାଙ୍ଗି ଦେଇଥିବା ନେଇ ଅଭିଯୋଗ ହୋଇଛି । ଘର ଭାଙ୍ଗି ଯାଇଥିବାରୁ କେତେକ ଲୋକଙ୍କ ରହିବାର ଅସୁବିଧା ସମ୍ମୁଖୀନ ହେଉଛନ୍ତି । ଯେବେଠାରୁ ଧରଣୀଧର ସେକ୍ସନ୍ ଅଞ୍ଚଳରେ ଦୁଇଟି ଦନ୍ତାହାତୀ ରହିଛନ୍ତି ସେହି ଦିନ ଠାରୁ ଚାଷ ଜମିମାଳ ଦେଇ ଯାଉଛନ୍ତି । ଚାଷୀଙ୍କ ଜମିରୁଆ ଧାନ ଫସଲ ନଷ୍ଟ କରୁଥିବା ନେଇ ଚାଷୀ ଅଭିଯୋଗ କରିଛନ୍ତି ।