ବନଖଣ୍ଡ କାର୍ଯ୍ୟାଳୟରେ ୭୭ ତମ ସ୍ୱାଧୀନତା ଦିବସ

ବଣାଇଁ:୧୭/୮(ସନ୍ତୋଷ କୁମାର ଅଟୀ) ବଣାଇଁ ସହରର ମୁଖ୍ୟ ରାସ୍ତା ନିକଟରେ ଅବସ୍ଥିତ ଥିବା ବନଖଣ୍ଡ କାର୍ଯ୍ୟାଳୟ ଠାରେ ୭୭ତମ ସ୍ବାଧୀନତା ଦିବସ ମହାସମାରୋହରେ ପାଳିତ ହୋଇଯାଇଛି। ବଣାଇଁ ବନଖଣ୍ଡ ଅଧିକାରୀ ଲଳିତ କୁମାର ପାତ୍ର (ଭାବସେ) ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହିତ ମିଳିତ ପ୍ୟାରେଡ୍ ର ଅଭିବାଦନ ଗ୍ରହଣ କରିଥିଲେ । ଦେଶ ମାତୃକାର ସେବାରେ ନିଜକୁ ଉତ୍ସର୍ଗୀକୃତ କରିଥିବା ମହାପୁରୁଷଙ୍କ ଆଦର୍ଶ ଓ ଦେଶ ଗଠନରେ ସେମାନଙ୍କର ବଳିଦାନ ଉପରେ ଉପସ୍ଥିତ ବନ କର୍ମଚାରୀଙ୍କୁ ଉଦବୋଧନ ଦେଇଥିଲେ। ବିଶ୍ଵ ହାତୀ ଦିବସ ଉପଲକ୍ଷେ ବନ ବିଭାଗ ପକ୍ଷରୁ ଆୟୋଜିତ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତିତ୍ୱ ଅର୍ଜ୍ଜନ କରିଥିବା ପ୍ରତିଯୋଗୀଙ୍କୁ ପୁରସ୍କୃତ କରାଯିବା ସହ ମାନପତ୍ର ପ୍ରଦାନ କରିଥିଲେ । ସେହିଭଳି ଭାବେ ଜଙ୍ଗଲ ସୁରକ୍ଷା, ହାତୀ ପରିଚାଳନା ଓ ଉତ୍ତମ ବୃକ୍ଷରୋପଣ କରିଥିଵା , ବନପାଳ , ବନରକ୍ଷୀ ଓ ବିଭିନ୍ନ ବନ ସଂରକ୍ଷଣ ସମିତିର ସଦସ୍ୟ, ବନ ସୁରକ୍ଷା ସ୍କ୍ୱାର୍ଡ ମାନଙ୍କୁ ଅଧିକାରୀଙ୍କ ଦ୍ଵାରା ପୁରସ୍କୃତ କରାଯିବା ସହ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ସହକାରୀ ବନ ସଂରକ୍ଷକ ସମୀର ପ୍ରକାଶ ତିର୍କି ଓ ସୁଶାନ୍ତ କୁମାର ଜେନା ମଞ୍ଚ ପରିଚାଳନା କରିଥିଲେ। ଏଥିରେ ବଣାଇଁ ରେଞ୍ଜ ଅଧିକାରୀ ମନୋଜ କୁମାର ପାତ୍ର, ବିଭିନ୍ନ ରେଞ୍ଜରୁ ଆସିଥିବା କ୍ଷେତ୍ର କର୍ମଚାରୀଙ୍କ ସମେତ କାର୍ଯ୍ୟାଳୟର ସମସ୍ତ କର୍ମଚାରୀ ଉପସ୍ଥିତ ରହିଥିଲେ ।