ବାଇକରେ ଗଞ୍ଜେଇ ଚାଲାଣ ବେଳେ ଦୁଇ ଗିରଫ

ନବରଙ୍ଗପୁର— ନବରଙ୍ଗପୁର ଜିଲ୍ଲା ପାପଡାହାଣ୍ଡି ମୃଗ ବିହାର ନିକଟରୁ ଅବକାରୀ ପୋଲିସ ଏକ ବାଇକରେ ଗଞ୍ଜେଇ ଚାଲାଣ ବେଳେ ଗୁରୁବାର 2 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି | ଜବତ ବାଇକରୁ 5 କେଜି 100 ଗ୍ରାମ ଗଞ୍ଜେଇ ଜବତ ହୋଇଛି | ନବରଙ୍ଗପୁର ରୁ ପାପଡାହାଣ୍ଡି ଦେଇ ଯାଉଥିବା ବାଇକକୁ ବିଶେଷ ସୂତ୍ରରୁ ଖବର ପାଇ ଅବକାରି ପୋଲିସ ହାତରେ ଧରା ପଡ଼ିଥିଲା | ନବରଙ୍ଗପୁର ଜିଲ୍ଲା ଅବକାରୀ ଆରକ୍ଷୀ ଅଧିକ୍ଷକ ଗଙ୍ଗା ପାଇକରାୟଙ୍କ ନିର୍ଦେଶ କ୍ରମେ ନବରଙ୍ଗପୁର ଇନ୍ସପେକ୍ଟର ସୁଧୀର କୁମାର ସାହୁଙ୍କ ନେତୃତ୍ୱରେ ଓ଼ଆଇସି ଦେସରାଜ ସୁନା, ଏଏସଆଇ ଅମୀୟ ଖଞ୍ଜ ମୃଗ ବିହାର ନିକଟରେ ଗାଡି ଯାଞ୍ଚ କରୁଥିଲେ | ଏକ ବାଇକ OD10ସ 3790 କୁ ଅବକାରୀ ବିଭାଗ ଅଟକାଇ ଯାଞ୍ଚ କରିବାରୁ ଏକ ଜୋରି ବ୍ୟାଗ ରେ ରହିଥିବା ଜଣାପଡିଥିଲା, ପରେ ଅବକାରୀ ବିଭାଗ ବାଇକ ଓ ଗଞ୍ଜେଇ ବ୍ୟାଗ ଜବତ କରିବା ସହ ଦୁହେଁ କୁ ଗିରଫ କରି ଅବକାରୀ କାର୍ଯ୍ୟାଳୟ କୁ ନିଆଯାଇଥିଲା | କେସ ନମ୍ବର 75/2023 ମାମଲା ରୁଜୁ କରାଯାଇ ଗଞ୍ଜେଇ ଚାଲାଣ କରୁଥିବା ଗଞ୍ଜାମ ଜିଲ୍ଲା ଗଙ୍ଗପୁର ଥାନା ଅଞ୍ଚଳର କାନ୍ଦ୍ରାବୋଳି ଗ୍ରାମର ଡି. ବିଜୟ କୁମାର ପାତ୍ର (18) ଓ କୋରାପୁଟ ଜିଲ୍ଲା ବୈପାରୀଗୁଡା ଥାନା କୁମ୍ଭାରଗୁଡା ଗ୍ରାମର ଝାଳି ହରିଜନ (38) କୋର୍ଟ ଚାଲାଣ କରାଯାଇଥିବା ଅବକାରୀ ବିଭାଗ ରୁ ସୂଚନା ମିଳିଛି.ଗଞ୍ଜେଇ ଜବତ ସମୟରେ ଅବକାରୀ ସିପାହୀ ଗୋତୁଲ ନାୟକ, ରଂଜିତ ସିଂ, ଉତ୍ତମ ମାହାଙ୍କୁଡ ଉପସ୍ଥିତି ଥିଲେ |