ମୋ କଲେଜ ଅଭିଯାନର ପ୍ରସ୍ତୁତି ବୈଠକ*

ଜେନାପୁର,(ପି.ଏନ୍) ଧର୍ମଶାଳା ବ୍ଲକ୍ ଅନ୍ତର୍ଗତ ମୁକୁନ୍ଦପାତ୍ର ଡିଗ୍ରୀ ମହାବିଦ୍ୟାଳୟ ପରିସରରେ  ପବିତ୍ର ସ୍ଵାଧୀନତା ଦିବସରେ  ମୋ କଲେଜ ଅଭିଯାନର ପ୍ରସ୍ତୁତ ବୈଠକ ଅନୁଷ୍ଠିତ ହୋଇଯାଇଛି । କଲେଜର  ଅଧକ୍ଷା ଶ୍ରୀମତୀ କବିତା ବିଶ୍ଵାଳଙ୍କ ଅଧ୍ୟକ୍ଷତାରେ ମହାବିଦ୍ୟାଳୟର ପୁରାତନ ଛାତ୍ରଛାତ୍ରୀମାନଙ୍କୁ ନେଇ ଆଗାମୀ ଦିନରେ ଉନ୍ନିତ ପାଇଁ ସଂକଳ୍ପବଦ୍ଧ ହୋଇଥିଲେ । ଅଧ୍ୟକ୍ଷା ମୋହଦୟା ବୈଠକରେ ଆଭିମୁଖ୍ୟ ସମ୍ପର୍କରେ ଉଲ୍ଲେଖ କରି ମୋ କଲେଜ ଅଭିଯାନ ଆରମ୍ଭ କରିବା ପାଇଁ ଏକ ପ୍ରସ୍ତାବ ଉପସ୍ଥାପନ କରିଥିଲେ। ଆଲୋଚନା ପରେ ରାଜ୍ୟ ସରକାରଙ୍କ ନିୟମ ଅନୁଯାୟୀ ପୁରାତନ ଛାତ୍ରଛାତ୍ରୀ ମାନଙ୍କୁ ନେଇ ଏକ ମହାବିଦ୍ୟାଳୟ ସ୍ତରୀୟ କମିଟି ଗଠନ କରାଯାଇଥିଲା ଏବଂ ଏହାକୁ ସଫଳ କରିବା ପାଇଁ ଭବିଷ୍ୟତ କାର୍ଯ୍ୟପନ୍ଥା ନିର୍ଦ୍ଧାରଣ କରାଯାଇଥିଲା। ଗଠନ ହୋଇଥିବା ନୂତନ କମିଟିର ସଭ୍ୟମାନେ ମହାବିଦ୍ୟାଳୟର ସର୍ବାଙ୍ଗୀନ ଉନ୍ନତି ପାଇଁ ଅଧିକରୁ ଅଧିକ ଛାତ୍ରଛାତ୍ରୀ ମାନଙ୍କୁ ସାମିଲ କରି ଏହାକୁ ସଫଳ କରିବାପାଇଁ  ସଂକଳ୍ପ ନେଇଥିଲେ। ଏହି ସଭାରେ ଉପସ୍ଥିତ ଛାତ୍ରଛାତ୍ରୀ ମାନେ ନିଜ ନିଜର ବକ୍ତବ୍ୟ ମାଧ୍ୟମରେ କଲେଜ ଜୀବନର ଅଭୁଲା ସ୍ମୃତିକୁ ଅନ୍ୟ ମାନଙ୍କ ସହ ବାଣ୍ଟିଥିଲେ।ଉକ୍ତ ବୈଠକରେ ତାଳଜଙ୍ଗ ସରପଞ୍ଚ ବିପିନ ବିହାରୀ ସେଠୀ, ସଭାପତି ଜିତେନ୍ଦ୍ର ରାଉତ, ଏବଂ ଜ୍ଞାନ ରଞ୍ଜନ ସାହୁଙ୍କ ସମେତ ପୁରାତନ ଛାତ୍ରଛାତ୍ରୀ ସହ ମହାବିଦ୍ୟାଳୟର ସମସ୍ତ ଅଧ୍ୟାପକ,ଅଧ୍ୟାପିକା ଓ କର୍ମଚାରୀମାନେ ଉପସ୍ଥିତ ଥିଲେ।