ସମାଜସେବୀ ଙ୍କ ପରଲୋକ।

ନିମାପଡ଼ା,(ପି ଏନ)ପୁରୀ ଜିଲ୍ଲା ନିମାପଡ଼ା ବ୍ଲକ ତୁଳସୀପୁର ପଞ୍ଚାୟତ ତୁଳସୀପୁର ଗ୍ରାମ ର ସମାଜସେବୀ ଓ ଧର୍ମପରାୟଣ ବ୍ୟକ୍ତି ପୂର୍ଣ୍ଣଚନ୍ଦ୍ର ସାହୁ (୭୬) ଙ୍କ ର ଗତକାଲି ରାତି ରେ ନିଜ ତୁଳସୀପୁର ସ୍ଥିତ ବାସଭବନ ରେ ପରଲୋକ ଘଟିଛି। ତାଙ୍କ ଜ୍ୟେଷ୍ଠ ପୁତ୍ର ପ୍ରକାଶ ସାହୁ ଏବେ ପଞ୍ଚାୟତ ର ବିଜେଡି ସଭାପତି ଭାବେ କାର୍ଯ୍ୟ କରୁଥିବାବେଳେ ବୋହୁ ଝରଣା ସାହୁ ପଞ୍ଚାୟତ ର ସମିତି ସଭ୍ୟା ଅଛନ୍ତି।ଗ୍ରାମ ଶ୍ମଶାନ ତୁଳସୀ ବାଟିକା ଠାରେ ତାଙ୍କ ଶେଷ କୃତ୍ୟ ସଂପନ୍ନ କରାଯାଇଥିଲା। ତାଙ୍କ ସମ୍ମାନାର୍ଥେ ଆଜି ଦିନକ ପାଇଁ ତୁଳସୀପୁର ଗଣେଶ ବଜାର କୁ ବନ୍ଦ ରଖାଯାଇଛି। ନିମାପଡା ବିଧାୟକ ସମୀର ରଞ୍ଜନ ଦାଶ, ବ୍ଲକ ବିଜେଡି ସଭାପତି ଅଶୋକ ସାହୁ, ଜିଲ୍ଲାପରିଷଦ ସଭ୍ୟା ସସ୍ମିତା ନାୟକ, ବିଜେଡି ନିମାପଡ଼ା ନଗର ସଭାପତି ଜିବନାନନ୍ଦ ମହାପାତ୍ର, ବ୍ଲକ ଅଧ୍ୟକ୍ଷ ଶଙ୍କର ଭୋଇ,ସରପଞ୍ଚ ମଞ୍ଜୁଶ୍ରୀଭୋଇ, ଅରକ୍ଷିତ ଭୋଇ, ଶିକ୍ଷକ ନେତା ତ୍ରିଲୋଚନ କର, ପ୍ରଭାତ ଦାଶ,ତୁଳସୀପୁର ଗ୍ରାମ କମିଟି ସଭାପତି ବନ ବିହାରୀ ଦାଶ, ଚାରିଛକ ସାମ୍ୱାଦିକ ସଂଘ ସଭାପତି ପ୍ରଫୁଲ୍ଲ କର, ଉପ ସଭାପତି ସନ୍ତୋଷ ଦାଶ, କାର୍ଯ୍ୟକାରୀ ସଭାପତି ପୂର୍ଣ୍ଣ ଚନ୍ଦ୍ର ମହାପାତ୍ର, ସମ୍ପାଦକ ବସନ୍ତ ଦାସ ପ୍ରମୁଖ ତାଙ୍କ ଶୋକସନ୍ତପ୍ତ ପରିବାର କୁ ଗଭୀର ସମବେଦନା ଜଣାଇବାସହ ସ୍ୱର୍ଗତ ସାହୁ ଙ୍କ ଅମର ଆତ୍ମା ର ସଦଗତି କାମନା କରିଛନ୍ତି। ଏହି ଖବର ଜଣାପଡ଼ିବା ପରେ ଚାରିଛକ, ତୁଳସୀପୁର, ନିମାପଡା ଅଞ୍ଚଳ ରେ ଶୋକ ର ଛାୟା ଖେଳିଯାଇଛି।