କଟକ ଜିଲ୍ଲା ବିଦ୍ୟାଳୟ ବଲ ବ୍ୟାଡମିଟନ ଖେଳାଳିଙ୍କୁ ଜିଲ୍ଲା ଶିକ୍ଷା ଅଧିକାରୀ ଦେଲେ ସମ୍ବର୍ଦ୍ଧନା
ତା ୩୧/୧/୨୩
କଟକ

ଚଳିତ ମାସ ୨୮ ରୁ ୩୧ ତାରିଖ ପର୍ଯ୍ୟନ୍ତ ଢେଙ୍କାନାଳ ଜିଲ୍ଲାର କାମାକ୍ଷାନଗରସ୍ଥିତ ସାରଙ୍ଗଧର ଷ୍ଟାଡିୟମରେ ଓଡ଼ିଶା ରାଜ୍ୟ ବିଦ୍ୟାଳୟ କ୍ରୀଡ଼ା ସଂଗଠନ ଏବଂ ଢେଙ୍କାନାଳ ଜିଲ୍ଲା କ୍ରୀଡ଼ା ସଂଘଠନ ମିଳିତ ଅନୁକୂଲ୍ୟରେ ସମୁହ ବଲ ବ୍ୟାଡ ମିଣ୍ଟନ ପ୍ରତିଯୋଗିତାରେ କଟକ ଜିଲ୍ଲା ପକ୍ଷରୁ ପ୍ରତିନିଧିତ୍ଵ କରିଥିବା ୧୭ ବର୍ଷରୁ କମ ବାଳିକା ଦଳ ବିଜେତା ଏବଂ ବାଳକ ଦଳ ଉପବିଜେତା ହୋଇଥିବା ବେଳେ ୧୪ ବର୍ଷରୁ କମ ବାଳକ ଦଳ ବିଜେତା ଏବଂ ବାଳିକା ଦଳ ଉପବିଜେତା ହୋଇଛନ୍ତି। ଆଜି କଟକ ଜିଲ୍ଲା ଶିକ୍ଷା ଅଧିକାରୀ କାର୍ଯ୍ୟାଳୟରେ ବିଜେତା ଏବଂ ଉପ ବିଜେତା ସମସ୍ତ ଖେଳାଳିମାନଙ୍କୁ କଟକ ଜିଲ୍ଲା ଶିକ୍ଷା ଅଧିକାରୀ କୃଷ୍ଣ ଚନ୍ଦ୍ର ନାୟକ, ସହ ଜିଲ୍ଲା ଶିକ୍ଷା ଅଧିକାରୀ ସନ୍ତୋଷ କୁମାର ରାଉତ, ସୋନାମିକା ରାୟ ପୁଷ୍ପଗୁଚ୍ଛ ପ୍ରଦାନ କରି ସମ୍ବର୍ଦ୍ଧନା ଜଣାଇବା ସହ ଛାତ୍ରଛାତ୍ରୀମାନଙ୍କର ଉଜ୍ଜ୍ୱଳ ଭବିଷ୍ୟତ କାମନା କରିଥିଲେ। କଟକ ଜିଲ୍ଲା ଶାରୀରିକ ଶିକ୍ଷା ଅଧିକାରୀ ସୌଦାମିନୀ ଦାସ ସମସ୍ତ ଖେଳାଳିମାନଙ୍କୁ ଅଭିନନ୍ଦନ ଜଣାଇଥିଲେ। ଅନ୍ୟ ମାନଙ୍କ ମଧ୍ୟରେ କ୍ରୀଡ଼ା ଶିକ୍ଷକ ସୌଭାଗ୍ୟ କୁମାର ପଟ୍ଟନାୟକ, ପାର୍ଥ ସାରଥି ଦାସ,ଅନନ୍ୟା ବାରିକ, ଶୁଭଶ୍ରୀ ସାହୁ, ଅଞ୍ଜଳି ଦାସ, ଲିଙ୍ଗରାଜ ପୃଷ୍ଟି,କଟକ ଜିଲ୍ଲା ବଲ ବ୍ୟାଡ ମିଣ୍ଟନ ସଙ୍ଘ ସମ୍ପାଦକ ଅଜୟ କୁମାର ସାହୁ ,ରବୀନ୍ଦ୍ର ନାଥ ପଣ୍ଡା ,ଏସଡି ରେହେମାନ ପ୍ରମ୍ମୁଖ ଉପସ୍ଥିତ ଥିଲେ।