ବ୍ରହ୍ମପୁର ରେ ବିଶ୍ଵ ଫୋଟୋଗ୍ରାଫି ଦିବସ ପାଳିତ

ବ୍ରହ୍ମପୁର – (ଚିନ୍ମୟୀ ପାଣିଗ୍ରାହୀ) ବ୍ରହ୍ମପୁର ଠାରେ ଦୈନିକ ଖବର କାଗଜ ଦୈନିକଆଶା ଓ ଦିଶା ଅନୁଷ୍ଠାନ ର ମିଳିତ ଆନୁକୁଲ୍ୟରେ ବିଶ୍ଵ ଫୋଟୋଗ୍ରାଫି ଦିବସ ପାଳିତ ହୋଇଯାଇଛି। ସ୍ଥାନୀୟ ଉତ୍କଳ ଆଶ୍ରମ ରୋଡ ସ୍ଥିତ ଗଞ୍ଜାମ କଳା ପରିଷଦ ରଙ୍ଗମଞ୍ଚ ପରିସରରେ ଆୟୋଜିତ ଏହି କାର୍ଯ୍ୟକ୍ରମ ରେ ବ୍ରହ୍ମପୁର ମହାନଗର ନିଗମ ର ଡେପୁଟି କମିଶନର ତଥା ଅତିରିକ୍ତ ଦାୟିତ୍ୱରେ ଥିବା ଜିଲ୍ଲା ପର୍ଯ୍ୟଟନ ଅଧିକାରୀ ବିନୋଦ ବେହେରା ମୁଖ୍ୟ ଅତିଥିଭାବେ ଯୋଗ ଦେଇ ନିଜେ ଫଟୋଗ୍ରଫି ରୁ ଜୀବନୀ ଆରମ୍ଭ କରିଥିବା କହିଥିଲେ। ଅନ୍ୟତମ ମଞ୍ଚସୀନ ଅତିଥିମାନଙ୍କ ମଧ୍ୟରେ ମିଡ଼ିଆ ଜଗତର ମାନ୍ୟଗଣ୍ୟ ତଥା ବରିଷ୍ଠ ସାମ୍ବାଦିକ ଡ. ଏ ଆପା ରାଓ, ଦୈନିକଆଶା ଖବର କାଗଜ ମୁଖ୍ୟ ପ୍ରମୋଦ ପଣ୍ଡା, ଦିଶା ଅନୁଷ୍ଠାନ ମୁଖ୍ୟ ସୁବ୍ରତ ଦାସ, ବରିଷ୍ଠ ସାମ୍ବାଦିକ ସନତ ପଣ୍ଡା ପ୍ରମୁଖ ଯୋଗ ଦେଇ ଫୋଟୋଗ୍ରାଫି ଓ ଏହାର ବୃତ୍ତି ସମ୍ପର୍କରେ ଆଲୋକପାତ କରିଥିଲେ। ଏହି ଅବସରରେ ଧରିତ୍ରୀ ଖବର କାଗଜ ର ଫୋଟୋଗ୍ରାଫର ସମୀର ରଥ, କନକ ନ୍ୟୁସ୍ ରିପୋର୍ଟର ପ୍ରଦୀପ୍ତ ପରିଚ୍ଛା, ୟୁ ଟିଭି ରିପୋର୍ଟର ସୁଦିପ ସାହୁ ଓ ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣାଙ୍କ ସମେତ ୧୫ଜଣ ଫୋଟୋଗ୍ରାଫର, ସାମ୍ୱାଦିକ ଓ କଳାକାରଙ୍କୁ ଉପଢ଼ୌକନ  ଦେଇ ସମ୍ବର୍ଦ୍ଧିତ କରାଯାଇଛି। ଶେଷରେ କୁନି କୁନି ଛାତ୍ର ଛାତ୍ରୀ ଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା ।