ବଇଣ୍ଡା କଲ୍ୟାଣ ମଣ୍ଡପରେ ସ୍ବେଛାକୃତ ରକ୍ତଦାନ ଶିବିର ଆୟୋଜିତ,173 ୟୁନିଟ ରକ୍ତ ସଂଗ୍ରହ! 

      ଅନୁଗୁଳ ଜିଲ୍ଲା କିଶୋରନଗର ବ୍ଲକ ହଣ୍ଡପା ଥାନା  ନୁନୁକାପଶି  ଗ୍ରାମପଞ୍ଚାୟତ  ଅନ୍ତର୍ଗତ ବଇଣ୍ଡା କଲ୍ୟାଣ ମଣ୍ଡପ ଠାରେ ବିଜେଡ଼ିର ବରିଷ୍ଠ ନେତା ତଥା ଓଡିଶା ମୋ ପରିବାରର ସହ ଆବାହକ ଇଞ୍ଜିନିୟର  ନଳିନୀକାନ୍ତ ପ୍ରଧାନଙ୍କ ଆହ୍ୱାନରେ ଏକ ସ୍ଵେଛାକୃତ ରକ୍ତଦାନ ଶିବିର ଆୟୋଜିତ ହୋଇଥିଲା!ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଇଞ୍ଜିନିୟର ନଳିନୀକାନ୍ତ ପ୍ରଧାନ ଯୋଗ ଦେଇ ରକ୍ତଦାତାଙ୍କୁ  ସମ୍ବର୍ଦ୍ଧିତ ତଥା ଉତ୍ସାହିତ କରିଥିଲେ!ଅନ୍ୟାନ୍ୟ ଅତିଥି ଭାବେ ଅନୁଗୁଳ ଜିଲାପରିଷଦ ଅଧ୍ୟକ୍ଷା ଶ୍ରୀମତୀ ବବିତା ପ୍ରଧାନ, ବସୁଧା ଉପଦେଷ୍ଟା ତଥା  ବିଜୁ ଯୁବ ଜନତା ଦଳର ଜିଲ୍ଲା ସଭାପତି ଦିନେଶ୍ ପ୍ରଧାନ, ୧୩ ନମ୍ବର ଜୋନର ଜିଲ୍ଲା ପରିଷଦ ସଭ୍ୟା ବିଷ୍ନୁପ୍ରିୟା ପ୍ରଧାନ,ବରିଷ୍ଠ ବିଜେଡି ନେତା ମାନସ କୁମାର ପାତ୍ର ତଥା ଆଖ ପାଖର ୮ ଟି ଗ୍ରାମ ପଂଚାୟତର ସରପଞ୍ଚ ମାନେ ଯୋଗଦେଇ ରକ୍ତଦାତାଙ୍କୁ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରିଥିଲେ!ସ୍ଥାନୀୟ ଯୁବକ ଯୁବତୀ ତଥା ସମାଜସେବୀ କାର୍ଯ୍ୟକ୍ରମରେ ଯୋଗଦେଇ କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିବାରେ ସାହାଯ୍ୟ କରିଥିଲେ!ଏହି ରକ୍ତଦାନ ଶିବିରରେ ସମୁଦାୟ 173 ୟୁନିଟ ରକ୍ତ ସଂଗ୍ରହ ହୋଇଥିଲା! ଅନୁଗୁଳ ରେଡକ୍ରସ ତରଫରୁ ସହାୟତା ପ୍ରଦାନ କରାଯାଇଥିଲା!ଏଭଳି ଏକ ସ୍ୱାଗତଯୋଗ୍ୟ ପଦକ୍ଷେପକୁ ସ୍ଥାନୀୟ ଅଞ୍ଚଳରେ ପ୍ରଶଂସା କରାଯାଇଛି!