୧୨୬୦କିଲୋଗ୍ରାମ ଭାଙ୍ଗ ବୋଝେଇ ପିକଅପ ଭ୍ୟାନ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ

ବ୍ରହ୍ମପୁର –  ୧୨୬୦କିଲୋଗ୍ରାମ ଭାଙ୍ଗ ବୋଝେଇ ପିକଅପ ଭ୍ୟାନ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ। ଗଜପତି ରୁ ପୁରୀ କୁ ଚୋରା ଚାଲାଣ ବେଳେ ବ୍ରହ୍ମପୁର ଉପକଣ୍ଠ ହଲଦିଆପଦର୍ ଛକ ରେ କାବୁ କଲା ଅବକାରୀ ଗୁଇନ୍ଦା ବିଭାଗ।  ଜବତ ଭାଙ୍ଗ ବୋଝେଇ ପିକଅପ ଭ୍ୟାନ ର ଆନୁମାନିକ ମୂଲ୍ୟ ପାଖାପାଖି ୨୧ଲକ୍ଷ ଟଙ୍କା ହେବ । ସୂଚନା ଅନୁସାରେ ଅବକାରୀ କମିଶନର ନରସିଂହ ଭୋଳ ଙ୍କ ନିର୍ଦ୍ଦେଶ କ୍ରମେ ଗଞ୍ଜାମ ଜିଲ୍ଲା ର ବିଭିନ୍ନ ଅଞ୍ଚଳରେ  ପକ୍ଷରୁ ନିଶା ଦ୍ରବ୍ୟ ଚୋରା ଚାଳନା କୁ ରୋକିବା ପାଇଁ ଅବକାରୀ ଗୁଇନ୍ଦା ବିଭାଗ ପକ୍ଷରୁ ଚଢଉ କୁ ଜୋରଦାର କରାଯାଇଛି। ଟିମ୍ ଗଠନ କରାଯାଇ ବିଭିନ୍ନ  ସ୍ଥାନ ରେ ଯାନବାହାନ ଯାଞ୍ଚ ପ୍ରକ୍ରିୟା ଜାରି ରହିଛି ।  ପ୍ରତିଦିନ କେଉଁଠି ନ କେଉଁଠି ଚଢଉ କରି ଚୋରା ଚାଲାଣ କାରି ଙ୍କୁ ଧରିବାରେ ସକ୍ଷମ ହେଉଥିବା ବେଳେ ଆଜି  ଅବକାରୀ ବିଭାଗ ଅଧିକାରୀ ହୃଦୟ ଚନ୍ଦ୍ର ସାମନ୍ତ ଙ୍କ ଟିମ୍ ବିପୁଳ ମାତ୍ରାରେ ଭାଙ୍ଗ ଚୋରା ଚାଲାଣ କୁ ରୋକିବା ରେ ସକ୍ଷମ ହୋଇଛି। ଗଜପତି ଜିଲ୍ଲା ମୋହନା ଅଂଚଳରୁ ଗଞ୍ଜାମ ଜିଲ୍ଲା ଚିକିଟି ଅଞ୍ଚଳ ଦେଇ ପୁରୀ କୁ ଏକ ମ୍ୟାକ୍ସ  ପିକଅପ୍ ଭ୍ୟାନ ଯୋଗେ ୧୨୬୦ କିଲୋଗ୍ରାମ ଭାଙ୍ଗ ଚୋରା ଚାଲାଣ ହେଉଥିବା ବେଳେ ବ୍ରହ୍ମପୁର ଉପକଣ୍ଠ ୧୬ ନମ୍ବର ଜାତୀୟ ରାଜପଥ ର ହଳଦିଆପଦର୍ ଠାରେ ଅବକାରୀ ଗୁଇନ୍ଦା ବିଭାଗ ହାତରେ ଧରା ପଡ଼ିଛି।  ଭାଙ୍ଗ ବୋଝେଇ ମ୍ୟାକ୍ସ  ପିକଅପ୍ ଭ୍ୟାନ ର ଆନୁମାନିକ ମୂଲ୍ୟ ୩୨ଲକ୍ଷ୍ୟ ଟଙ୍କା ହେବ ବୋଲି ଜଣାପଡିଛି। ଏହି ମାମଲା ରେ ଜଣେ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଛି ବ୍ରହ୍ମପୁର ଅବକାରୀ ବିଭାଗ। ଗିରଫ ଜଣକ ଗଜପତି ଜିଲ୍ଲା ମୋହନା ଅଞ୍ଚଳର ଲାଇବିରା ଦଳବେହେରା। ତେବେ ଏ ନେଇ ଅଧିକ ତଦନ୍ତ ଜାରି ରହିଥିବା ସୂଚନା ଦେଇଛନ୍ତି ବିଭାଗୀୟ ଅଧିକାରୀ ହୃଦୟ ଚନ୍ଦ୍ର ସାମନ୍ତ ।