କୋଟ୍ରିବାହାଲ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ  ବିପଦ ସଂକୁଳ ଶ୍ରେଣୀ କୋଠରୀରେ ପାଠାପଡା 

ନୂଆପଡ଼ା:(ବିରବଲ ପ୍ରଧାନ)ନୂଆପଡା ଜ଼ିଲ୍ଲା କୋମନା ବ୍ଲକ ଅନ୍ତର୍ଗତ ଝଗ୍ରାହୀ ପଞ୍ଚାୟତ କୋଟ୍ରିବାହାଲ ଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ବିପଦସଂଙ୍କୁଳ ଶ୍ରେଣୀ କୋଠରୀରେ ପାଠପଡା ଯାଉଛି l ଶ୍ରେଣୀ କୋଠରୀ ଛାତରୁ ସିମେଣ୍ଟ ଅତଡ଼ା ଖସୁଛି l ବିପଦ ସଂକୁଳ ଶ୍ରେଣୀ କୋଠରୀରେ ଛାତ୍ରଛାତ୍ରୀ ପାଠ ପଡୁଥିବା ଅଭିଯୋଗ ହୋଇଛି l ବିଦ୍ୟଳୟରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ମୋଟ 129ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି l ସେମାନଙ୍କ ମଧ୍ୟରେ 65 ଛାତ୍ରୀ ଓ 64 ଛାତ୍ର ରହିଛନ୍ତି l 5ଜଣ ଶିକ୍ଷକ ଶିକ୍ଷାଦାନ କରୁଥିବାବେଳେ 8ଟି ଶ୍ରେଣୀକୁ 4ଟି କୋଠରୀ ରହିଛି l 4ଟି କୋଠରୀ ମଧ୍ୟରୁ 2ଟି କୋଠରୀରେ ପାଣି ଗଳି ଛାତରୁ ଲୁହାରଡ଼ ବାହାରି ସିମେଣ୍ଟ ଅତଡ଼ା ଖସୁଛି l କୋଠରୀ ଅଭାବରୁ ଛାତ୍ରଛାତ୍ରୀମାନେ ବିପଦସଂକୁଳ ଶ୍ରେଣୀ କୋଠରୀ ଭିତରେ ବସି ଅଧ୍ୟୟନ କରୁଛନ୍ତି l କୋଠରୀ ଅଭାବରୁ ଶିକ୍ଷାଦାନ ବାଧାପ୍ରାପ୍ତ ହେଉଛି l ଗୋଟିଏ କୋଠରୀରେ 2ଟି ଶ୍ରେଣୀ ପିଲା ବସି ଅଧ୍ୟୟନ କରୁଛନ୍ତି l ଛାତରୁ ସିମେଣ୍ଟ ଅତଡ଼ା ଖସି କିଛି ଛାତ୍ରଛାତ୍ରୀ ଆହତ ମଧ୍ୟ ହୋଇ ସାରିଲେଣି l ବିଦ୍ୟାଳୟରେ ନୂତନ ଭାବେ କୋଠରୀ ନିର୍ମାଣ କରା ନ ହେଲେ ମରାମତି କରାଯାଉ ବୋଲି ଗ୍ରାମବାସୀ ସ୍ଥାନୀୟ ଜନପ୍ରତିନିଧିଠାରୁ ଆରମ୍ଭକରି ଜ଼ିଲ୍ଲା ପ୍ରଶାସନ ପର୍ଯ୍ୟନ୍ତ ଲିଖିତ ଅଭିଯୋଗ କରିଛନ୍ତି, ହେଲେ କାହାରି ନଜର ବିଦ୍ୟାଳୟ ଉପରେ ପଡୁନାହିଁ ବୋଲି ଗ୍ରାମବାସୀ ପ୍ରକଶ କରିଛନ୍ତି l ଆଗାମୀ ନିର୍ବାଚନ ପୂର୍ବରୁ ଆବଶ୍ୟକ ଶ୍ରେଣୀ କୋଠରୀ ନିର୍ମାଣ କରାନଗଲେ ଗ୍ରାମବାସୀ ଭୋଟ ବର୍ଜନ କରିବୁ ବୋଲି ୱାର୍ଡମେମ୍ବର ମାୟାବତୀ କୁମ୍ଭାର, ଦେବାର ଚିରାଙ୍ଗୁଲ, ବଂଶୀଧର ବନଛୋର, ଟିକମନ ଚିରାଙ୍ଗୁନ, ପାତ୍ର କୁମ୍ଭାର, ରିଖୀରାମ କେତକୀ, ଲକ୍ଷ୍ମଣ ଚିରାଙ୍ଗୁଲ ଚେତାବନୀ ଦେଇଛନ୍ତି।