ପାଣିରେ ବୁଡ଼ି ଡାକ କର୍ମଚାରୀ ଙ୍କ ମୃତ୍ୟୁ ।

ନିମାପଡ଼ା ,(ପି. ଏନ)ପୁରୀ ଜିଲ୍ଲା ନିମାପଡ଼ା ଏ ନ ଏସି ଅଧିନ ୪ ନମ୍ବର ୱାର୍ଡ ପାଟପୁର ନାୟକ ସାହି ଗ୍ରାମର ଡାକ କର୍ମଚାରୀ ବିଜୟ ଘଡେ଼ଇ (୫୬) ଙ୍କ ପାଣିରେ ବୁଡି ମୃତ୍ୟୁ ଘଟିଛି ।ପୋଲିସ ଏ ନେଇ ଏକ ଅପମୃତ୍ୟୁ ମାମଲା (୧୭/୨୩) ରେ ରୁଜୁକରି ତଦନ୍ତ ଚଳାଇଛି ।ସୂଚନା ମୁତାବକ ବିଜୟ ବନ୍ଧ ରାସ୍ତାରେ ଯାଉଥିବା ବେଳେ କୌଣସି କାରଣରୁ ଭୁବନପୁର ଗ୍ରାମ ବ୍ରିଜ ନିକଟ ରାସ୍ତା କଡରେ ଥିବା ପାଣି ଖାଲ ରେ ପଡ଼ି ଯାଇଥିଲେ ।କିଛି ସମୟ ପରେ ସ୍ଥାନୀୟ ଲୋକେ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ ।ଅଗ୍ନିଶମ ବାହିନୀ ସେଠାରୁ ବିଜୟକୁ ଉଦ୍ଧାର କରି ନିମାପଡ଼ା ମେଡିକାଲ ରେ ଭର୍ତ୍ତି କରିଥିଲେ ।ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।ଖବର ପାଇ ପୋଲିସ ଡାକ୍ତରଖାନାରେ ପହଞ୍ଚି ମୃତଦେହ କୁ ଜବତ କରି ବ୍ୟବଚ୍ଛେଦ ପାଇଁ ଚାରିଛକ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର କୁ ପଠାଇଛନ୍ତି ।