ଚନ୍ଦ୍ରଯାନ-୩ର ସଫଳ ଅବତରଣ ପାଇଁ ହୋମ ଯଜ୍ଞ*

ଜେନାପୁର,(ପି.ଏନ୍) ଯାଜପୁର ଜିଲ୍ଲା ଧର୍ମଶାଳା ବ୍ଲକ ଅନ୍ତର୍ଗତ ଅଲଣୀସାହୁ ପାଟଣା ଗ୍ରାମରେ ଚନ୍ଦ୍ରଯାନ-୩ର ସଫଳ ଅବତରଣ ପାଇଁ ଚାଲିଛି ପୂଜା ଅର୍ଚ୍ଚନା ଓ ହୋମ ଯଜ୍ଞ । ଭାରତର ଚନ୍ଦ୍ରଯାନ-୩ର ୨୩ ତାରିଖ ସନ୍ଧ୍ୟା ୬ଟା ୪ ମିନିଟ୍ ରେ ଚନ୍ଦ୍ର ପୃଷ୍ଟରେ ଅବତରଣ କରିବ । ଏହାର ସଫଳ ଅବତରଣ କାମନା ପାଇଁ ଅସହାୟର ବନ୍ଧୁ ସେବା ସଂଗଠନ ତରଫରୁ ଅଲଣୀସାହୁ ପାଟଣା ଗ୍ରାମରେ ଥିବା ମୁଖ୍ୟ ଗ୍ରାମ ଦେବତୀ ମା କୁଆଁସ ମଙ୍ଗଳା ପରିସରରେ ଭକ୍ତି ଶ୍ରଦ୍ଧାର ସହ ପୂଜା ଓ ହୋମ ଯଜ୍ଞ ଜାରି ରହିଥିଲା । ଏହି ଯଜ୍ଞରେ ସାମିଲ୍ ହୋଇଥିବା ସଦସ୍ୟମାନେ ହେଲେ ସମ୍ପାଦକ ଶ୍ରୀଯୁକ୍ତ ଗଣେଶ୍ୱର ନାୟକ,ଶ୍ରୀଯୁକ୍ତ ସନ୍ତୋଷ କୁମାର ଦାସ,ଶ୍ରୀମତୀ କାଦମ୍ବିନୀ ମିଶ୍ର,ଶ୍ରୀ ଅଜୟ କୁମାର ସେଠୀ,ଶ୍ରୀ ଲକ୍ଷ୍ମୀଧର ନାୟକ ଓ ସଂଗଠନର ସମସ୍ତ ସଦସ୍ୟ ପ୍ରମୁଖ ଉପସ୍ଥିତ ରହି ପୂଜା ଅର୍ଚ୍ଚନା କରିଥିଲେ ।