ଆବାସ ଯୋଜନା ଅପେକ୍ଷାରେ ପଦନ” ଦୁର୍ଦ୍ଦିନରେ ପରିବାର ଜୀବନ_*

ଜେନାପୁର,(ପି.ଏନ୍) କେନ୍ଦ୍ର ଓ ରାଜ୍ୟ ସରକାରଙ୍କ ବହୁ ପ୍ରତିକ୍ଷିତ ସାଧାରଣ ଗରିବ ଲୋକଙ୍କ ପାଇଁ ୨୦୨୨ ମସିହା ସୁଦ୍ଧା ସବୁ ଘର ପକାଘର ନିର୍ଣ୍ଣୟ ନେଇଥିଲା ବେଳେ କିଛି ଲୋକ ଏବେ ମଧ୍ୟ ସରକାର ଯୋଜନାରୁ ବଞ୍ଚିତ ଅଛନ୍ତି । ସେହିପରି ଭିନ୍ନକ୍ଷମ, ଅସହାୟ,ଦରିଦ୍ର, ବିକଳାଙ୍ଗ ଓ ଅର୍କମନ୍ୟ ସହାୟତା ପାଇଁ ଯୋଜନା ପ୍ରସ୍ତୁତ ହୋଇଥିଲା ବେଳେ ବାସ୍ତିବିକ ଚିତ୍ର ଓଲଟା ଦେଖିବାକୁ ମିଳେ । ଆମ ସରକାର ସ୍ୱଚ୍ଛ ପ୍ରଶାସନ କର୍ତ୍ତବ୍ଯ ନିଷ୍ଠା କ୍ଷେତ୍ରରେ କାର୍ଯ୍ୟ କରିବାରେ ୧ନମ୍ବର ଥିବା ସତ୍ତ୍ୱେ ପ୍ରକୃତ ହିତାଧିକାରୀ ଯୋଜନାର ଲାଭ ପାଇବାରୁ ବଞ୍ଚିତ ହେଉଛନ୍ତି । ଯାହା ଫଳରେ କି ସରକାରଙ୍କ ଛବି ମଳିନ ହେବା ଦୁର୍ନାମ ଡିଣ୍ତିମ ପିଟା ହେଉଛି । କୌଣସି ଅବହେଳା ବସତଃ ପ୍ରକୃତ ହିତାଧିକାରୀ ପାଖରେ ଯୋଜନା ସବୁ ଅପହଞ୍ଚରେ ରହିଯାଉଛି । ସେହିପରି ଏକ ଅଭିଯୋଗ କରିଛନ୍ତି ଯାଜପୁର ଜିଲ୍ଲାର ଧର୍ମଶାଳା ବ୍ଲକ୍ ଅନ୍ତର୍ଗତ ବୃନ୍ଦାଦେଈପୁର ପଞ୍ଚାୟତ ଅଧିନସ୍ଥ ୧ ନମ୍ବର ୱାର୍ଡର ପଦନ ମଳିକ (୬୨) ପିତା କଷି ମଳିକ । ପରିବାର କହିଲେ ବାପା,ମା,ଝିଅ ତିନି ପ୍ରାଣୀ କୁଟୁମ୍ବର ବାସଗୃହ । ପରିବାର ମୁଖ୍ୟ କହିଲେ ପଦନକୁ ବୁଝାଏ ସେ ଯାହା ବିଲ ବାଡିରୁ ଚାଷ କାର୍ଯ୍ୟ କରି ଟଙ୍କା ଆଣନ୍ତି ଘର ପରିବାର ଦୁଃଖ କଷ୍ଟରେ ଚଳିଯାଏ । ବୟସର ଅପରାହ୍ନରେ ତାଙ୍କୁ ବାର୍ଦ୍ଧକ୍ଯ ଗ୍ରାସ   କରିଥିବାରୁ ସେ ଆଉ ଠିକ୍ ରେ କାମଧନ୍ଦା କରିପାରୁ ନାହାଁନ୍ତି । ଏବଂ ଗୋଟିଏ ଆଖିକୁ ଠିକ୍ ସେ ଦେଖାଯାଏ ନାହିଁ ବୟସ ବଢିବା ସହିତ ବାର୍ଦ୍ଧକ୍ଯ ହେବାରୁ କାମ କରି ଘର ଚଳେଇବା ବହୁତ କଷ୍ଟ ହୋଇପଡୁଛି । ଭତ୍ତା ପାଇଁ ଯୋଗାଯୋଗ କରି ନ ହେବାରୁ ସେ ଯାଜପୁର ଜିଲ୍ଲାପାଳ ପ୍ରକୋଷ୍ଠରେ ଅଭିଯୋଗ କରିବାକୁ ଯାଇଥିଲେ । ସେଠାରେ ନିଜର ଦୁଃଖ ଜଣାଇବା ସହିତ ଭତ୍ତା ପାଇଁ ଉପଯୁକ୍ତ ବୋଲି ପ୍ରମାଣ କରି ଆସିବା ବାଟରେ ଗାଡି ଆଗରେ ଏକ କୁକୁର ପଶିଯିବାରୁ ଦୁର୍ଘଟଣା ଘଟିଥିଲା । ଯାହା ଫଳରେ କି ଘଟଣାସ୍ଥଳରେ ଛିଟିକି ପଡି ଚିତ୍କାର କରିଥିଲେ ଦେଖିଲା ବେଳକୁ ଗୋଡର ଯନ୍ତ୍ରାଣ ହେବାର ଭାଙ୍ଗିଯିବାର ଜଣାପଡିଥିଲା । ସଙ୍ଗେ ସଙ୍ଗେ ନିକଟସ୍ଥ ସ୍ୱାସ୍ଥ୍ୟ କେନ୍ଦ୍ର ଧର୍ମଶାଳାକୁ ନିଆଯାଇଥିଲା । ସେଠାରେ ଅଧିକ ଯନ୍ତ୍ରଣା ହେବାରୁ କଟକ ମୁଖ୍ୟ ସ୍ୱାସ୍ଥ୍ୟ କେନ୍ଦ୍ରକୁ ପଠେଇ ଦେଇଥିଲେ ।  ଫଟୋ ଉଠାଇଲେ ପରେ ଜଣାପଡିଲା ଯେ ତାଙ୍କର ଗୋଡଟି ଭାଙ୍ଗିଯାଇଛି । ତାପରେ ଅପରେସନ୍ କରି ଘରକୁ ବିଶ୍ରାମ ପାଇଁ ପଠେଇ ଦେଇଥିଲେ । ବୋଝ ଉପରେ ନଳିତା ବିଡା ସଦୃଶ୍ୟ ଭତ୍ତା ପାଇଁ ଯାଇ ନିଜକୁ ଅକର୍ମନ୍ୟ ହୋଇ ଘରେ ବିଶ୍ରାମ ନେଇଛନ୍ତି । ଯାହା ହେଉ ଭତ୍ତା ପାଇଁ  ଅଭିଯୋଗ କରି ଆସିବା ପରେ ବର୍ତ୍ତମାନ ମିଳିବ ବୋଲି ଜନପ୍ରତିନିଧି ଖବର ଜଣାଇଥିଲେ । ବିଡମ୍ବନା ବିଷୟ ଏପରି ଅବସ୍ତାରେ ଘର ଚଳେଇବାତ ଦୂର କଥା ଦିନେ ଖାଇଲେ ଦିନେ ଉପବାସ ରହିବାକୁ ପଡୁଛି । ସରକାର ସୁବିଧା କହିଲେ ୧୫ କେଜି ରାସନ୍ ଚାଉଳ ସହିତ ଭତ୍ତା ପାଇଁ ଯାହା ଅଭିଯୋଗ କରିଥିଲି ମିଳିବ ବୋଲି ଖବର ଆସିଛି । ପୂର୍ବରୁ ସେ ଅସହାୟ ପରିବାର ହେତୁ ସରକାରଙ୍କ ପାଖରୁ  ଅନ୍ତର୍ଦେୟ ଯୋଜନାରେ ୩୫ କେଜି ମିଳୁଥିଲା । କାରଣ ବସତଃ ନୂଆ ଯେବେ ରାସନ୍ କାର୍ଡ ହେଲା ଅନ୍ତର୍ଦେୟ ଯୋଜନାରୁ ତାଙ୍କ ନାଁ ବାଦ ପଡିବା ସହିତ ରାସନ୍ କାର୍ଡ ରେ ଯାହା ୩ ଜଣଙ୍କୁ ୧୫ କେଜି ଚାଉଳ ମିଳେ । ଯାହା ଦ୍ୱାରା ଏପରି ଅସହାୟ ପରିସ୍ଥିତିରେ ଗୋଡ ଭାଙ୍ଗିବା ପରିବାର ପାଇଁ ଶକ୍ତ ଆଘାତ ଲାଗିଛି ଓ ପରିବାର ଚିନ୍ତାରେ ଭାଙ୍ଗିପଡିବା ସହିତ ଦୁର୍ଦ୍ଦିନରେ ପରିବାର ଗତିକରୁଛି । ଘର କହିଲେ ଭଙ୍ଗା ଚାଳିଆ ତଳେ ଗୋଟେ ବଖରାରେ ରୋଷେଇ,ଶୋଇବା ସବୁ ପ୍ରକାର କାର୍ଯ୍ୟ କରିଥାନ୍ତି । ଏହି ପରିସ୍ଥିତିରେ ଘର ଛପର ଛାଣି କରିବା ଦୂର କଥା ଭଲରେ ଖଣ୍ତେ ଖାଇବା ତାଙ୍କ ପକ୍ଷରେ ସମ୍ଭବ ହେଉ ନାହିଁ । ଯାହା ଦ୍ୱାରା କି ବର୍ଷା ଦିନେ ପାଣି ପଶିବା ଦ୍ୱାରା ସାପ,ବେଙ୍ଗର ଭୟ ଦିନେଦିନେ ରୋଷେଇ ବି ବନ୍ଦ ହୋଇଯାଏ । ଏହି ଘର ସମସ୍ୟା ନେଇ ସ୍ଥାନୀୟ ସରପଞ୍ଚ୍  ଓ ସମିତି ସଭ୍ୟଙ୍କୁ କହିଥିଲେ । ସେ ଆସି ତାଙ୍କ ଘର ଦେଖିବା ସହ ଘର ଯୋଗାଇ ଦେବା ପାଇଁ ସରକାର ଦୃଷ୍ଟି ଗୋଚରକୁ ଆଣି ଖୁବ୍ ଶୀଘ୍ର ଏ ସମସ୍ୟାର ସମାଧାନ କରାଯିବ ବୋଲି ପ୍ରତିଶୃତି ଦେଇଥିଲେ । ଏପରି ଅସହାୟ ପରିବାରକୁ ସରକାରଙ୍କ ତରଫରୁ ଖୁବ୍ ଶୀଘ୍ର ତଦନ୍ତ ପରିସର ଭୁକ୍ତ କରାଯାଇ ପ୍ରକୃତ ହିତାଧିକାରୀଙ୍କୁ ଗୃହ ଯୋଗାଇ ଦିଆଯାଉ ।