ନୂଆପଡା ରେ ମାଓବାଦୀଙ୍କ ବର୍ବର କାଣ୍ଡ
ନୂଆପଡ଼ା:(ବିରବଲ ପ୍ରଧାନ)ଜେସିବି ପୋଡିବା ସହ ଉଡ଼ାଇ ଦେଲେ ଫରେଷ୍ଟ କ୍ୱାଟର। ଗୁରୁବାର ବିଳମ୍ବିତ ରାତିରେ ନୂଆପଡ଼ା ଥାନା ସୁନାବେଡ଼ା ଅଭୟାରଣ୍ୟ ଭିତରେ ଥିବା କେରମେଲି ପଞ୍ଚାୟତ ଗୋଲାବନ୍ଧ ଗାଁରେ ଏଭଳି ଘଟଣା ଘଟାଇ ତାଙ୍କର ଉପସ୍ଥିତି ଜାହିର କରିଛନ୍ତି ମାଓବାଦୀ । ଏବେ ଘଟଣା ସ୍ଥଳରେ ୮ଟି ପଲିଥିନ ରେ ଲାଲ ରଙ୍ଗ ହାତ ଲେଖା ବ୍ୟାନର ଛାଡି ଯାଇଛନ୍ତି,ସୂଚନାନୁଯାୟୀ ଗୁରୁବାର ରାତି ପାଖା ପାଖି ପ୍ରାୟ ୧୨ ଟା ସମୟରେ ୨୫ ରୁ ୩୦ ମାଓବାଦୀ ଆସି ନୂଆପଡ଼ା ଥାନା ସୁନାବେଡ଼ା ଅଭୟାରଣ୍ୟ ଭିତରେ ଥିବା ଗୋଲାବନ୍ଧ ଗାଁରେ ବର୍ବର କାଣ୍ଡ ଘଟାଇଛନ୍ତି । ବି ଏସ ଏନ ଏଲ୍ କମ୍ପାନୀ ରେ କାମ କରୁଥିବା ଜେସିବି ପୋଡିବା ସହ ଫରେଷ୍ଟ କ୍ବାଟର କୁ ବ୍ଲାଷ୍ଟିଙ୍ଗ କରି ଭାଙ୍ଗି ଦେଇଛନ୍ତି। ଏବେ ଘଟଣା ସ୍ଥଳରେ ୮ଟି ପଲିଥିନରେ ଲାଲ ରଙ୍ଗରେ ହାତ ଲେଖା ବ୍ୟାନର ଛାଡି ଯାଇଛନ୍ତି । ଏଥିରେ କେନ୍ଦ୍ର ଓ ରାଜ୍ୟ ସରକାରଙ୍କ ସାମ୍ରାଜ୍ୟବାଦକୁ ବିରୋଧ କରିବା ସହ ଜଳ, ଜମି, ଜଙ୍ଗଲ ଆନ୍ଦୋଳନକୁ ଜୋରଦାର କରିବାକୁ ଆହ୍ଵାନ କରିଛନ୍ତି । ପୋଷ୍ଟର ତଳେ ମେନପୁର-ନୂଆପଡ଼ା ଡିଭିଜନ ବୋଲି ଉଲ୍ଲେଖ କରିଛନ୍ତି । ଏବେ ଗାଁ ଓ ଅଞ୍ଚଳରେ ଭୟର ବାତାବରଣ ଖେଳି ଯାଇଛି । ବର୍ତ୍ତମାନ ସୁଦ୍ଧା ପୁଲିସ ଘଟଣା ସ୍ଥଳରେ ପହଞ୍ଚି ନାହିଁ ।