ବେଫିକର ବନ ବିଭାଗ,

ହାତୀ ଆକ୍ରମଣରେ ସ୍ତ୍ରୀ ମୃତ ସ୍ଵାମୀ ଗୁରୁତର 

ଆଉ କେତେ ମୁଣ୍ଡ ଗଲେ ଚେତିବ ବନ ବିଭାଗ | ପ୍ରତିଦିନ ଏମିତି କଣ ଗୋଟେ  ପରେ ଗୋଟେ ମୁଣ୍ଡ ଗଡୁଥିବ | ବନ ବିଭାଗ ହାତୀଙ୍କୁ ଘଉଡାଇବା ଦିଗରେ ପଦକ୍ଷେପ ନେବ ନା ଏମିତି ଘଟଣା ଯେମିତି ଚାଲିଛି ଆହୁରି ଚାଲିବ | ପୁଣି  ଥରେ ମଧ୍ୟ ଏକ ହୃଦୟ ବିଦାରକ ଘଟଣା ଘଟିଛି ଅନୁଗୋଳ ଜିଲ୍ଲା ବନ୍ତଳା ବନାଞ୍ଚଳରେ | ବନ୍ତଳା ଥାନା ଅନ୍ତର୍ଗତ ତଳଗଡ ପଞ୍ଚାୟତ ନୂଆଁଭୂଇଁ ସାହିର ଉଭୟ ସ୍ଵାମୀ ସ୍ତ୍ରୀଙ୍କୁ ହାତୀ ଆକ୍ରମଣ କରିଛି l ଘଟଣା ସ୍ଥଳରେ ସ୍ତ୍ରୀଙ୍କର ମୃତ୍ୟୁ ହୋଇଥିବା ବେଳେ ସ୍ଵାମୀ ଗୁରୁତର ହୋଇଥିବା ଜଣାପଡିଛି । ସୂଚନା ମୁତାବକ ବନ୍ତଳା ବନାଞ୍ଚଳ ତଳଗଡ ପଞ୍ଚାୟତ ନୂଆଁଭୂଇଁ ସାହିର ଉଭୟ ସ୍ଵାମୀ ସ୍ତ୍ରୀ ଛବିନ୍ଦ୍ର ବିଶ୍ବାଳ ଓ ସୁଲୋଚନା ବିଶ୍ଵାଳ ଦୁଇଜଣ ଯାକ ଘର ପାଖରେ ଥିବା ବାଇଗଣ ବାଡ଼ିକୁ ଯାଇଥିଲେ l ବାଇଗଣ ବାଡିରେ ଉଭୟ ସ୍ଵାମୀ ସ୍ତ୍ରୀ ଥିବା ବେଳେ ହାତୀ ଆକ୍ରମଣ କରିଥିଲା | ଯାହା ଫଳରେ ସୁଲୋଚନା ବିଶ୍ଵାଳଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଛବିନ୍ଦ୍ର ବିଶ୍ବାଳ ଗୁରୁତର ଅବସ୍ଥାରେ ଜିଲ୍ଲା ମୂଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। 

ଏନେଇ ନୂଆଁଭୂଇଁରେ ହାତୀ ଆକ୍ରମଣରେ ମୃତ୍ୟୁ ବରଣ କରିଥିବା ପରିବାରକୁ କ୍ଷତି ପୂରଣ ପାଇଁ ବନ୍ତଳା ଛକଠାରେ କ୍ଷତି ପୂରଣ ବାବଦରେ ନେଇ 20 ଲକ୍ଷ ଟଙ୍କା ଏବଂ ଜଣଙ୍କୁ ଚାକିରି  ଦେବା ନେଇ ଗ୍ରାମବାସୀ ମାନେ ରାସ୍ତା ଅବରୋଧ କରିଥିଲେ l