ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ କଚେରୀ ଛକଠାରେ ରକ୍ଷାବନ୍ଧନ ଉତ୍ସବ

ବାଙ୍କୀ,୩୧ା୮- ବାଙ୍କୀ କଚେରୀ ଛକ ନିକଟବର୍ତ୍ତୀ ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ ଠାରେ ରକ୍ଷାବନ୍ଧନ ଉତ୍ସବ ଅନୁଷ୍ଠିତ ହୋଇଥିଲା । ଶାଖା ମୁଖ୍ୟ ସଂଚାଳିକା ଭଉଣୀ ବି.କେ.ଗୌରୀଙ୍କ ତତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲାପରିଷଦ ସଭ୍ୟା ମିନତୀ ମହାପାତ୍ର, ବାଙ୍କୀ ମହୋତ୍ସବ ସାଧାରଣ ସଂପାଦକ ଡକ୍ଟର ଗଣେଶ୍ୱର ସ୍ୱାଇଁ ,ବାଙ୍କୀ ବୟୋଜ୍ୟେଷ୍ଠ ନାଗରିକ ସଂଘ ସଭାପତି ବିରଞ୍ôଚ ଦାସ, ଶିକ୍ଷାବିତ୍ ଅଖିଳ ବୀରବର ହରିଚନ୍ଦନ, ସୁଦର୍ଶନ ଦାଶଙ୍କ ସମେତ ବହୁ ଭାଇ ଏଥିରେ ଯୋଗଦେଇଥିଲେ । ସେମାନଙ୍କୁ ବି.କେ. ଗୌରୀ ପବିତ୍ରତାର ରାକ୍ଷୀ ପିନ୍ଧାଇ ସମସ୍ତଙ୍କର ଶୁଭକାମନା କରିଥିଲେ । ଶେଷରେ କବିତା ଭଉଣୀ ଧନ୍ୟବାଦ ଅର୍ପଣ କରିଥିଲେ । ଏହା ସହିତ ବାଙ୍କୀ ଉପଜିଲ୍ଲାପାଳ ରଞ୍ଜନ କୁମାର ଜେନା, ଥାନା ଅଧିକାରୀ କାବୁଲି ବାରିକ,ଉପଖଣ୍ଢ ପୋଲିସ୍ ଅଧିକାରୀ ଜ୍ଞାନମିଶ୍ର, ଆଦିବାସୀ ହରିଜନ କଲ୍ୟାଣ ପରିଷଦର ସଭାପତି କେଶବ ଚନ୍ଦ୍ର ବେହେରା, ବାଙ୍କୀ ବ୍ଲକ ସି.ଡି.ପି.ଓ, ଆଦିବାସୀ ହରିଜନ ଛାତ୍ରବାସର ଅନ୍ତେବାସୀ ଓ ବାଙ୍କୀ କେନ୍ଦ୍ର ସମବାୟ ବ୍ୟାଙ୍କର ବରିଷ୍ଠ ଅଧିକାରୀ ଓ କର୍ମଚାରୀମାନଙ୍କୁ ରାକ୍ଷୀ ପିନ୍ଧାଇ ସେମାନଙ୍କର ଶୁଭକାମନା କରିଥିଲେ ।