ରୋହିତ ଦାଶ ଙ୍କ ଦୁଇଟି କବିତା ପୁସ୍ତକ ଉନ୍ମୋଚିତ

ସୃଷ୍ଟି ଫାଉଣ୍ଡେସନ ତରଫରୁ ଅଧ୍ୟକ୍ଷା ଶ୍ରୀମତୀ ଜିତାରାଣୀ ଦାଶ ଙ୍କ ଉଦ୍ୟମ ରେ ଏକ ପୁସ୍ତକ ଉନ୍ମୋଚନ ଉତ୍ସବ ଅନୁଷ୍ଠିତ ହୋଇ ଯାଇଛି.ମୁଖ୍ୟ ଅତିଥି ଭାବେ ଯୋଗଦାନ କରି ଡ ଶରତ କୁମାର ଜେନା, ଶାନ୍ତିନିକେତନ ର କେନ୍ଦ୍ରୀୟ ବିଶ୍ୱ ବିଦ୍ୟାଳୟ ର ସହଯୋଗୀ ପ୍ରଫେସର ତାଙ୍କ ଭାଷଣରେ ପରିବେଶ କୁ କବିତାମୟ କରିଦେଇଥିଲେ.ରୋହିତ ଦାଶ ଙ୍କ କବିତା ର ବିଭିନ୍ନ ଦିଗ ଉପରେ ଆଲୋକ ପାତ କରି ସେ ତାଙ୍କର ପ୍ରତିଭାର ଭୁୟସୀ ପ୍ରଶଂସା କରିଥିଲେ.ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ଡ ହରିହର ପ୍ରଧାନ, ବିଭାଗ ମୁଖ୍ୟ, ସ୍ନାତକୋତ୍ତର ଓଡ଼ିଆ ବିଭାଗ କୋଲ୍ହନ ବିଶ୍ଵବିଦ୍ୟାଳୟ, ଚାଇଁବସା, ଝାରଖଣ୍ଡ. ଡ ପ୍ରଧାନ ମଧ୍ୟ୍ୟ ରୋହିତ ଦାଶ ଙ୍କ କବିତା ର କେତୋଟି ଉଲ୍ଲେଖନିୟ ଦିଗ ଉପରେ ଆଲୋକ ପାତ କରିଥିଲେ..ସଭା ଆରମ୍ଭରୁ ଦିବଂଗତ ବିଶିଷ୍ଟ କବି ଜୟନ୍ତ ମହାପାତ୍ରଙ୍କ ଉଦ୍ଦେଶ୍ୟ ରେ ଏକ ଶୋକସଭା ଅନୁଷ୍ଠିତ ହୋଇଥିଲା. କବି ଡ ଅଶୋକ ମହାପାତ୍ର ଙ୍କ ସ୍ୱାଗତ ସମ୍ଭାଷଣ ପରେ ଅତିଥି ମାନଙ୍କୁ ମଞ୍ଚ କୁ ଆମନ୍ତ୍ରଣ କରାଯାଇଥିଲା.ପୂଜାର୍ଚନା ପରେ ବିଶିଷ୍ଟ ସାହିତ୍ୟିକ ଡ ରଘୁନାଥ ମେହେର ଙ୍କ ସଭାପତିତ୍ୱରେ ସଭାକାର୍ଯ୍ୟ ଆରମ୍ଭ ହୋଇଥିଲା. ସମସ୍ତ ଅତିଥି ଙ୍କୁ ସୃଷ୍ଟି ଫାଉଣ୍ଡେସନ ତରଫରୁ ଫୁଲତୋଡ଼ା,ଉତ୍ତରୀୟ ଓ ସ୍ମୃତି ସନ୍ତକ ଦେଇ ସମ୍ବର୍ଦ୍ଧିତ କରାଯାଇଥିଲା.ଉଭୟ ଗାୟକ ଙ୍କୁ ମଧ୍ୟ ଅନୁଷ୍ଠାନ ତରଫରୁ ସମ୍ବର୍ଦ୍ଧିତ କରାଯାଇଥିଲା.ସ୍ୱାଗତ ସଂଗୀତ ଓଲଟ ବୃକ୍ଷେ ଖେଳୁଛି ଲୋଟଣି ପାରା କୁ ପରିବେଷଣ କରିଥିଲେ ବିଶିଷ୍ଟ ବେତାର ଶିଳ୍ପୀ ଶ୍ରୀ ଗୋପାଳକୃଷ୍ଣ ଦାଶ. ଏହାପରେ ଅତିଥି ମାନେ ଓଲଟ ବୃକ୍ଷ ପୁସ୍ତକ କୁ ଉନ୍ମୋଚନ କରିଥିଲେ. ପୁସ୍ତକ ର ଏକ ସୁନ୍ଦର ସମୀକ୍ଷା କରିଥିଲେ ବିଶିଷ୍ଟ କବି ତଥା ପଂଚାୟତ ମହାବିଦ୍ୟାଳୟ ର ଇଂରାଜୀ ଅଧ୍ୟାପକ ଡ ଉମେଶ ମହାପାତ୍ର.ସେ ବିଶିଷ୍ଟ କବି ଟି.ଏସ. ଏଲିଅଟ ଓ ରୋହିତ ଦାଶ ଙ୍କ କବିତରେ ଥିବା ଯୋଗାସୁତ୍ର ସମ୍ପର୍କରେ ଅବଗତ କରେଇଥିଲେ.ଏହା ପରେ ରୋହିତ ଦାଶ ଙ୍କ ଦ୍ୱାରା ରଚିତ ବର୍ଷା କବିତା କୁ ପରିବେଷଣ କରିଥିଲେ ବିଶିଷ୍ଟ କଣ୍ଠଶିଳ୍ପୀ ଶ୍ରୀ ଅଶୋକ ପଶାୟତ. ରୋହିତ ଦାଶ ଙ୍କ ଦ୍ଵିତୀୟ କବିତା ପୁସ୍ତକ ଭିଜା ଭିଜା ବର୍ଷା ର କବିତା କୁ ଉନ୍ମୋଚନ କରିଥିଲେ ଅତିଥିବୃନ୍ଦ. ଏହି ପୁସ୍ତକ ର ଏକ ମନୋଜ୍ଞ ସମୀକ୍ଷା କରିଥିଲେ ବିଶିଷ୍ଟ ଇଂରାଜୀ ଅଧ୍ୟାପକ ଶ୍ରୀ ମାନଭଞ୍ଜନ ପାଣିଗ୍ରାହି. ସେ ମଧ୍ୟ ବିଶିଷ୍ଟ ଇଂରାଜୀ କବି ମାନଙ୍କ ଉଦାହରଣ ଦେଇ ରୋହିତ ଦାଶ ଙ୍କ କବିତାରେ ଥିବା ବୈଶିଷ୍ଟ୍ୟ ସମ୍ପର୍କରେ ଆଲୋକପାତ କରିଥିଲେ. ଉଭୟ ବକ୍ତା ଙ୍କ ଆଲୋଚନା ଶ୍ରୋତା ମାନଙ୍କୁ ମନ୍ତ୍ରମୁଗ୍ଧ କରି ରଖିଥିଲା.ଶ୍ରୀ ସୁକୋମଲ ଦାଶ ଓ ରୋହିତ ଦାଶ ଉନ୍ମୋଚିତ ପୁସ୍ତକ ରୁ ଦୁଇଟି କବିତା ପାଠ କରିଥିଲେ.ମୁଖ୍ୟ ଅତିଥି, ସମ୍ମାନିତ ଅତିଥି ଓ ସଭାପତି ଙ୍କ ଅଭିଭାଷଣ ପରେ ଲେଖକ ତାଙ୍କ ନିଜ ବକ୍ତବ୍ୟ ରଖିଥିଲେ. ସଭାପତି ଡ଼ ମେହେର ରୋହିତ ଦାଶ ଙ୍କ କବିତା ର ବିଶେଷ ଆଲୋଚନା ର ଅପେକ୍ଷା ରଖେ ବୋଲି ମତ ଦେଇ ଆଲୋଚକ ମାନଙ୍କୁ ଏ ସମ୍ପର୍କ ରେ ଆହ୍ୱାନ ଦେଇଥିଲେ.ସଭା କୁ ଶେଷ ସ୍ପର୍ଶ ଦେଇଥିଲେ ବିଶିଷ୍ଟ ସିନେ ଅଭିନେତ୍ରୀ ଶ୍ରୀମତୀ ତପସ୍ୱିନୀ ଗୁରୁ.ବରଗଡ଼ ର ଅନେକ କବି, ଛାତ୍ର ଛାତ୍ରୀ ଓ ବୁଦ୍ଧିଜୀବୀ ସଭାରେ ଯୋଗଦାନ କରିଥିଲେ.ଦାମୋଦର ସାହୁ, ପଞ୍ଚାନନ ବାରିକ,ଆୟାସ ପଣ୍ଡା, ଆଲୋକ ରଞ୍ଜନ ଦାଶ ଓ ପ୍ରତ୍ୟୁଷ ଷଢଙ୍ଗୀ ସଭା କାର୍ଯ୍ୟ ପରିଚାଳନା ରେ ସହଯୋଗ କରିଥିଲେ.