ମୋ ମାଟି ମୋ ଦେଶ କାର୍ଯ୍ୟକ୍ରମ ର ରଥ ର ଶୁଭାରମ୍ଭ କଲେ ପ୍ରାକ୍ତନ ସାଂସଦ ରୁଦ୍ରନାରାୟଣ ପାଣି

ଅନୁଗୁଳ: ତା୫/୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ସମଗ୍ର ଦେଶରେ ଶହୀଦ ମାନଙ୍କୁ ଉପଯୁକ୍ତ ସମ୍ମାନ ଦେବାପାଇଁ ମୋ ମାଟି ମୋ ଦେଶ କାର୍ଯ୍ୟକ୍ରମ ଆରମ୍ଭ କରିଛନ୍ତି।ଅନୁଗୁଳ ଜିଲ୍ଲା ରେ ଏହି କାର୍ଯ୍ୟକ୍ରମ ଆରମ୍ଭ ହୋଇଛି।ଆଜି ମଙ୍ଗଳବାର ଅନୁଗୁଳ ଜଗନ୍ନାଥ ମନ୍ଦିର ଠାରେ ଜିଲ୍ଲା ସଭାପତି ଡିଲେଶ୍ୱର ପ୍ରଧାନ ଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ପ୍ରାକ୍ତନ ସାଂସଦ ରୁଦ୍ରନାରାୟଣ ପାଣି ମୋ ମାଟି ମୋ ଦେଶ କାର୍ଯ୍ୟକ୍ରମ ର ଶୁଭାରମ୍ଭ କରିବା ସହ ଅନୁଗୁଳ ଜିଲ୍ଲାର ସମସ୍ତ ୫ ଟି ବିଧାନସଭା କ୍ଷେତ୍ରରେ ମାଟି ସଂଗ୍ରହ ପାଇଁ ଆସିଥିବା ୧୦ ଟି ରଥ କୁ ପତାକା ଦେଖାଇ ଉଦଘାଟନ କରିଛନ୍ତି। ଏହି ରଥ ଜିଲ୍ଲାର ଗ୍ରାମକୁ ଗ୍ରାମ ବୁଲି ବୀର ମାଟି କୁ ଅମୃତ କଳସ ରେ ସଂଗ୍ରହ କରିବ ବୋଲି ଶ୍ରୀ ପାଣି କହିଛନ୍ତି।ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶହୀଦ ମାନଙ୍କୁ ଉପଯୁକ୍ତ ସମ୍ମାନ ଦେବାପାଇଁ ଦେଶରେ ସବୁ ଅଂଚଳରୁ ବିଶେଷ ଭାବେ ଶହୀଦ ଙ୍କର ଘରୁ ଏବଂ ଗ୍ରାମରୁ ବିର ମାଟି କୁ ସଂଗ୍ରହ କରି ଭବ୍ୟ ପରିବେଶ ମଧ୍ୟରେ ତ୍ରିରଙ୍ଗା ଯାତ୍ରା ମାଧ୍ୟମରେ ଦେଶାତ୍ମକ ପରିବେଶ ସୃଷ୍ଟି କରିବା ପାଇଁ ମୋ ମାଟି ମୋ ଦେଶ କାର୍ଯ୍ୟକ୍ରମ ବୋଲି ଶ୍ରୀ ପାଣି କହିଛନ୍ତି।ସମସ୍ତ ସଂଗୃହିତ ମାଟି କୁ ଅମୃତ କଳସ ରେ ଦିଲ୍ଲୀ ପଠାଯିବା ସହ ସେଠାରେ ଅମୃତ ବାଟିକା ସ୍ଥାପନ ସହ ଶହୀଦ ଙ୍କର ଫଳକ ଲାଗିବ ବୋଲି ଶ୍ରୀ ପାଣି କହିଛନ୍ତି।ଜଗନ୍ନାଥ ମନ୍ଦିର ରେ ପୂଜାର୍ଚ୍ଚନା ପରେ ରଥ ଗୁଡିକୁ ସହର ପରିକ୍ରମା କରି ବିଭିନ୍ନ ବିଧାନସଭା କ୍ଷେତ୍ର କୁ ପ୍ରେରଣ କରାଯାଇଛି।ଉକ୍ତ କାର୍ଯ୍ୟକ୍ରମ ର ଜିଲ୍ଲା ସଂଯୋଜକ ବରିଷ୍ଠ ବିଜେପି ନେତା ଦିଲ୍ଲୀପ ପ୍ରଧାନ ଙ୍କ ସଂଯୋଜନା ରେ ଅନୁଷ୍ଠିତ ଆଜିର ଏହି କାର୍ଯ୍ୟକ୍ରମ ରେ ଅନ୍ୟ ମାନଙ୍କ ମଧ୍ୟରେ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅଶୋକ ମହାନ୍ତି, ବିଶ୍ୱଜିତ ମିଶ୍ର,ପ୍ରଦୀପ ପ୍ରଧାନ, କାଉନସିଲର ସରିତା ମିଶ୍ର, ସ୍ମିତା ପଟ୍ଟନାୟକ,ଙ୍କ ସମେତ ନେହେରୁ ଯୁବକେନ୍ଦ୍ର ର କର୍ମକର୍ତା ସାମିଲ ହୋଇଥିଲେ।