ଡ୍ରେନ ଓ ପିଇବା ପାଣି ସମସ୍ୟା ନେଇ ଜିଲ୍ଲାପାଳଙ୍କୁ ଲିଖିତ ଅଭିଯୋଗ 

ଅନୁଗୁଳ:

ଅନୁଗୁଳ ଜିଲ୍ଲା ବଲାସିଙ୍ଗା ପଞ୍ଚାୟତର ପାଞ୍ଚ ନମ୍ୱର୍ ୱାର୍ଡ ବାସି ଆଜି ଜିଲ୍ଲାପାଳଙ୍କ କାର୍ଯ୍ୟାଳୟ ଦ୍ୱାରସ୍ଥ ହୋଇଥିଲେ । ସୂଚନା ଯେ, ବଲାସିଙ୍ଗା ପଞ୍ଚାୟତର ପାଞ୍ଚ ନମ୍ବର ୱାର୍ଡରେ ପ୍ରାୟ ଦୁଇ ଶହ ପରିବାର ବସବାସ କରନ୍ତି । ୱାର୍ଡ ବାସି ମୁଖ୍ୟତଃ ଡ୍ରେନ ସମସ୍ୟା ଓ ପିଇବା ପାଣି ଦୁଇଟି ସମସ୍ୟା କୁ ନେଇ ବାରମ୍ବାର ଅଭିଯୋଗ କଲେ ମଧ୍ୟ କୌଣସି ସୁଫଳ ନ ମିଳିବାରୁ ଆଜି ବାଧ୍ୟହୋଇ ଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି । କାରଣ ବର୍ଷା ହେଲେ ୱାର୍ଡ ଚତୁର୍ପର୍ଶ୍ୱରେ ପାଣି ଜମି ରହିଛି, ଯାହା ଫଳରେ ଘରୁ ବାହାରିବା ପାଇଁ ୱାର୍ଡ ବାସି ବହୁ ସମସ୍ୟାର ସମ୍ମୁଖୀନ ହେବାକୁ ପଡୁଛି । ପିଇବା ପାଣି ପାଇଁ ୱାର୍ଡରେ ନଳକୂପ ଟିଏ ନଥିବାରୁ ଦୁଇ କିଲୋମିଟର ଦୂରକୁ ପିଇବା ପାଣି ଆଣିବାକୁ ଯିବାକୁ ପଡ଼ିଛି । ୱାର୍ଡ ପାଖରେ ଥିବା କୂଅରେ ବର୍ଷା ପାଣି ଜମାଟ ରହି କୂଅରେ ପାଣି ପଶିଯାଇଥିବା ରୁ କୂଅ ପାଣି ପିଇବା ଯୋଗ୍ୟ ହଉନାହିଁ । ଯାହାକୁ ନେଇ ଯଥା ଶୀଘ୍ର ଅସୁବିଧା ଗୁଡ଼ିକୁ ସମାଧାନ କରିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି ପାଞ୍ଚ ନମ୍ୱର୍ ୱାର୍ଡ ବାସି ।