ପାଟପୁର ବିଶ୍ୱାସରାୟ ବିଜ୍ଞାନ ମହାବିଦ୍ୟାଳୟର ଗଭର୍ଣିଂବଡି ସଭାପତି ହେଲେ ପୂର୍ବତନ ଅଧ୍ୟକ୍ଷ ଡଃ ପି କେ ବ୍ରହ୍ମା 

ସାନଖେମୁଣ୍ଡି  -:  ରାଜ୍ୟ ସରକାରଙ୍କ ଉଚ୍ଚ ଶିକ୍ଷା ବିଭାଗ ପକ୍ଷରୁ ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ପାଟପୁର ସ୍ଥିତ ବିଶ୍ୱାସରାୟ ବିଜ୍ଞାନ ମହାବିଦ୍ୟାଳୟର ଗଭର୍ଣିଁବଡି ସଭାପତି ଭାବେ ପୂର୍ବତନ ଅଧ୍ୟକ୍ଷ ଡଃ ପ୍ରଦୀପ କୁମାର ବ୍ରହ୍ମାଙ୍କୁ ସରକାରୀ ସ୍ଵୀକୃତି ପ୍ରଦାନ କରାଯାଇଥିବା ଜଣାପଡିଛି । ଗଞ୍ଜାମ ଜିଲ୍ଲାପାଳଙ୍କ କାର୍ଯ୍ୟଳୟ ପତ୍ର ସଂଖ୍ୟା – ୧୨୨୫ /୦୩/୦୮/୨୦୨୩ କୁ ଆଧାର କରି ଓଡ଼ିଶା ଉଚ୍ଚ ଶିକ୍ଷା ବିଭାଗ ପକ୍ଷରୁ ଆଗତ ପତ୍ର ସଂଖ୍ୟା – ୩୬୬୫୩ / ୨୫/୦୮/୨୦୨୩ ପ୍ରକାରେ ଶ୍ରୀଯୁକ୍ତ ବ୍ରହ୍ମାଙ୍କ ନିଯୁକ୍ତିକୁ ସରକାର ସ୍ଵୀକୃତି ପ୍ରଦାନ କରିଛନ୍ତି । ନିଜ କଲେଜର ଗଭର୍ଣିଁବଡି ସଭାପତି ଭାବେ ଡଃ ବ୍ରହ୍ମା ସାରଙ୍କ ନିଯୁକ୍ତି ଖବର ପ୍ରସାରିତ ପରେ ସାନଖେମୁଣ୍ଡି ଅଞ୍ଚଳର ପୂର୍ବତନ ଛାତ୍ରଛାତ୍ରୀ ଏବଂ ବୁଦ୍ଧିଜୀବୀଙ୍କ ସହ ମହାବିଦ୍ୟାଳୟ ପରିସରରେ ଖୁସିର ମାହୋଲ ଖେଳିଥିବା ଅନୁଭୂତ ହୋଇଅଛି । ବ୍ରହ୍ମା ସାରଙ୍କ ପୂର୍ବ ଅଭିଜ୍ଞତା ଓ ନିପୁଣତା ଆଧାରରେ ମହାବିଦ୍ୟାଳୟର ଉତ୍ତୋରତ୍ତର ବିକାଶ ସାଧନର ଆଶା ପ୍ରକଟ କରିଛନ୍ତି ।