ନୁଆଖାଇ ଭେଟଘାଟ ଆୟୋଜନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ

ନୂଆପଡ଼ା(ବିରବଲ ପ୍ରଧାନ)ଆଜି ନୂଆପଡ଼ା ଜିଲ୍ଲା କୁଲୁତାସମାଜର ଜିଲ୍ଲା ସଭାପତୀ ସରୋଜ କୁମାର ସାହୁଙ୍କ ଅଧ୍ଯକ୍ଷତାରେ ଘାଟିପଡ଼ାସ୍ଥିତ ପଥପ୍ରାନ୍ତ ସୁବିଧା କେନ୍ଦ୍ରଠାରେ ନୂଆଖାଇ ଭେଟଘାଟ କାର୍ଯ୍ୟକ୍ରମପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏହି ନୁଆଖାଇଭେଟଘାଟ ପ୍ରସ୍ତୁତି ବୈଠକରେ ୮ଅକ୍ଟୋବର୨୦୨୩ ରବିବାର ଦିନ ନୁଆପଡ଼ାସ୍ଥିତ ପୋଲିଷପଡ଼ିଆରେ ନୂଆଖାଇ ଭେଟଘାଟ କାର୍ଯ୍ୟକ୍ରମ ପାଇଁ ସର୍ବସମ୍ମତି କ୍ରମେ ନିଷ୍ପତି ନିଆ ଗଲା। ଏହି ବୈଠକରେ ଜିଲ୍ଲା କୁଲୁତା ସମାଜର କୋମନା କେନ୍ଦ୍ର ସଭାପତି ବୈଶମପାୟନ ସାହୁ, ଦୁଲ୍ଲଭ ବିଶ୍ୱାଳ, ଆଶ୍ଵିନି କୁମାର ଭୋଇ, ବ୍ରଜରାଜ ସାହୁ, ସୁରେନ୍ଦ୍ର ପ୍ରଧାନ, ନବିନ ପ୍ରଧାନ, ଘାସିରାମ ଭୋଇ, ପଦ୍ମନ ପ୍ରଧାନ, ସତ୍ୟନାରାୟଣ ସାହୁ, ଶୁସାନ୍ତ ସାହୁ ଓ ଅନ୍ୟାନ୍ୟ ବରିଷ୍ଠ ସଦସ୍ୟମାନେ ଉପସ୍ଥିତ ଥିଲେ। ନୂଆଖାଇ ଭେଟଘାଟ କିପରି ସୁରୁଖୁରୁରେ ହୋଇପାରିବ ବିଶେଷକରି ତାରି ଉପରେ ବିଶେଷ ଆଲୋଚନା କରାଗଲା।