ମହାଆଡମ୍ବରରେ ବିଶ୍ୱକର୍ମା ପୂଜା ପାଳିତ*

ଜେନାପୁର,(ପି.ଏନ୍) ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ଅନ୍ତର୍ଗତ ବିଭିନ୍ନ ଅଞ୍ଚଳର ପୁରପଲ୍ଳିରେ ପ୍ରତିବର୍ଷ ପରି ଏ ବର୍ଷ ମଧ୍ୟ ମହାଆଡମ୍ବର ସହ ବିଶ୍ୱକର୍ମା ପୂଜା ପାଳିତ ହୋଇଯାଇଛି । ଏହି ପୂଜାଟି ଭାଦ୍ରବ ମାସ କନ୍ୟା ସଂକ୍ରାନ୍ତି ଦିନ ପୂର୍ଜା ଅର୍ଚ୍ଚନା କରିଥାନ୍ତି । ଭଗବାନ୍ ବିଶ୍ୱକର୍ମା ହେଉଛନ୍ତି  ଦେବ ଶିଳ୍ପୀ ତାଙ୍କୁ ସମସ୍ତ ଦୋକାନ,ଶିଳ୍ପ,କାରଖାନା ମାନଙ୍କରେ ପୂଜା କରାଯାଏ । ଭଗବାନ୍ ବିଶ୍ୱକର୍ମାଙ୍କର ସ୍ୱର୍ଣ୍ଣୟ ମୂର୍ତ୍ତି ସ୍ଥାପନ କରି କଳସ, ଧୂପ,ରଙ୍ଗିନ୍ ପତକାରେ ସୁସଜିତ କରାଯାଇ ପୂର୍ଜାର୍ଚ୍ଚନା କରାଯାଇଥିଲା । ଏହି ଦିନ ସମସ୍ତ କାରୀଗର ମାନଙ୍କର ଶିଳ୍ପ କାରଖାନା ବନ୍ଦ ଥାଏ । ବର୍ଷକ ଥରେ ମିଳିତ ହୋଇ ପୂଜାରେ ବିଭୋର୍ ହୋଇ ଆନନ୍ଦ ହୋଇଥାନ୍ତି । ଏହି ପୂଜା ବିଭିନ୍ନ ଅଞ୍ଚଳ ତଥା ଜେନାପୁର,ବୃନ୍ଦାଦେଈପୁର,ମର୍ଜିତାପୁର,ରାଇଛନ୍ଦା,କମାଗଡ,ରେଖିଦେଈପୁର,କନ୍ତପଡା ,ଜାରକା,କାଏମା ପ୍ରମୁଖ ସ୍ଥାନରେ ଆନନ୍ଦ ଉଲ୍ଲାସ ସହ ପାଳିତ ହୋଇଯାଇଛି ।