*ବିଭିନ୍ନ ସ୍ଥାନରେ ଧୁମ୍ ଧାମରେ ଗଣେଷ ପୂଜା ପାଳିତ*

ଜେନାପୁର,(ପି.ଏନ୍) ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ଅନ୍ତର୍ଗତ ବିଭିନ୍ନ ଅଞ୍ଚଳ ତଥା ପୁର ପଲ୍ଲିରେ ଧୁମ୍ ଧାମର ସହ ଗଣେଷ ପୂଜା ପାଳିତ ହୋଇଯାଇଛି । ଶ୍ରୀଗଣେଷ ଚତୁର୍ଥୀ ଅବସରରେ ବିଦ୍ୟାଳୟ ଓ ବିଭିନ୍ନ ଶିକ୍ଷାନୁଷ୍ଠାନରେ ଛାତ୍ରଛାତ୍ରୀମାନଙ୍କ ଦ୍ୱାରା ଶିକ୍ଷାର ବିକାଶ ପାଇଁ ବିଦ୍ୟାଦାତା ଗଣପତି ବାପ୍ପା ସଭିଙ୍କୁ ସଦବୁଦ୍ଧି ଦିଅନ୍ତୁ ,ଦୁଃଖକୁ ସାମ୍ନା କରିବାର ଧୈର୍ଯ୍ୟ ଦିଅନ୍ତୁ,ସମସ୍ତେ ସର୍ବଦା ଭଲରେ ରୁହନ୍ତୁ ବୋଲି ପ୍ରାର୍ଥନା କରିଥିଲେ । ସେହିପରି ଅନେକ ଗାଁ ଓ ପୁର ପଲ୍ଲିରେ ଶ୍ରୀଗଜାନନଙ୍କ ପୂଜା ଅର୍ଚ୍ଚନା ସହ ଗ୍ରାମବାସୀମାନଙ୍କ ଭଜନ କୀର୍ତ୍ତନରେ ପରିବେଶ ଭକ୍ତିମୟ ସୃଷ୍ଟି ହୋଇଥିଲା । ଏ ଅଞ୍ଚଳର ଜାରକା,ଗଡମଧୁପୁର,ହରିଦାସପୁର,ଜେନାପୁର,ବୃନ୍ଦାଦେଈପୁର,ମର୍ଜିତାପୁର,କବାଟବନ୍ଧ,ରାଇଛନ୍ଦା,ତାଳଜଙ୍ଗ,ରେଖିଦେଈପୁର,କଲାଣ୍ତ ପ୍ରମୁଖ ସ୍ଥାନରେ ଧୁମ୍ ଧାମରେ ଗଣେଷ ପୂଜା ପାଳିତ ହୋଇଯାଇଛି ।