ତ୍ରିଦିବସୀୟ ରାଜ୍ୟସମୂହ କ୍ରୀଡା ପ୍ରତିଯୋଗିତା ଉଦଯାପିତ।

ପୁରୀ ୧୯/୯ ଗତକାଲି ପୁରୀ ଜିଲ୍ଲା ସ୍କୁଲ୍ ଠାରେ ତିନିଦିନ ଧରି ଚାଲିଥିବା ରାଜ୍ୟ ବିଦ୍ୟାଳୟ ସମୂହ ଜିମ୍ନାଷ୍ଟିକ୍, କୁସ୍ତି ଓ ମୁଷ୍ଟି ଯୁଦ୍ଧ ପ୍ରତିଯୋଗିତା ଉଦଯାପିତ ହୋଇଯାଇଛି । ଏଥିରେ ରାଜ୍ୟର ବିଭନ୍ନ ଜିଲ୍ଲାମାନଙ୍କରୁ ୨୪୦ ଜଣ ଖେଳାଳି ବିଭିନ୍ନ ବିଭାଗରେ ଅଂଶଗ୍ରହଣ କରିଥିଲେ । ଜିମ୍ନାଷ୍ଟିକ୍ ଓ କୁସ୍ତି ରେ ପୁରୀ ଜିଲ୍ଲା ଚାମ୍ପିଅନ ହୋଇଥିବା ବେଳେ ମୁଷ୍ଟି ଯୁଦ୍ଧ ପ୍ରତିଯୋଗିତାରେ ବାଳକ ବିଭାଗରେ ମଧ୍ୟ ଚାମ୍ପିଅନ ହୋଇ ବାଳିକା ବିଭାଗରେ ରନର୍ସପ୍ ପ୍ରାପ୍ତ କରିଛି ।କୁସ୍ତି ପ୍ରତିଯୋଗିତାରେ ପୁରୀ ଚମ୍ପିୟାନ ଓ କଟକ ରନର୍ସ ଅପ, ଜିମ୍ନାଷ୍ଟିକରେ ପୁରୀ ଚମ୍ପିୟାନ ଓ ଭୁବନେଶ୍ୱର ରନର୍ସ ଅପ,

୧୭ ବର୍ଷ ରୁ କମ ବାଳକ ମୁଷ୍ଟି ଯୁଦ୍ଧରେ ପୁରୀ ଚମ୍ପିୟାନ ଓ ଗଞ୍ଜାମ ରନର୍ସ ଅପ,୧୭ ବର୍ଷ ରୁ କମ ବାଳିକା ବର୍ଗରେ ସୋନପୁର ଚମ୍ପିୟାନ ଓ ପୁରୀ ରନର୍ସ ଅପ, ୧୪ ବର୍ଷ ରୁ କମ ବାଳକ ବର୍ଗରେ ପୁରୀ ଚମ୍ପିୟାନ ଓ ଭୁବନେଶ୍ୱର ରନର୍ସ ଅପ ହୋଇଥିଲା।ଏଥିରେ ପୁରୀର ମାନ୍ୟବର ବିଧାୟକ ଜୟନ୍ତ କୁମାର ଷଡ଼ଙ୍ଗୀ ମୁଖ୍ୟ ଅତିଥି ରୂପେ ଯୋଗଦେଇ କ୍ରୀଡାବିତ୍ ମାନଙ୍କୁ ଉତ୍ସାହିତ କରିବା ସହ ବିଜେତା ମାନଙ୍କୁ ପୁରସ୍କାର ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ସମ୍ମାନିତ ଅତିଥି ରୂପେ ରାଜ୍ୟ ବିଦ୍ୟାଳୟ ସମୂହ କ୍ରୀଡା ବିଭାଗର ଅତିରିକ୍ତ ଶିକ୍ଷା ନିର୍ଦ୍ଦେଶକ କୈଳାସ ଚନ୍ଦ୍ର ପ୍ରଧାନ ଯୋଗଦେଇ ବିଗତ ତିିନି ଦିନର କ୍ରୀଡା ବିବରଣୀ ପାଠ କରିଥିଲେ । ଅନ୍ୟତମ ସମ୍ମାନିତ ଅତିଥି ରୂପେ ଅତିରିକ୍ତ ଜିଲ୍ଲା ଶିକ୍ଷାଧିକାରୀ ହିମାଂଶୁ ଭୁଷଣ ସମରଥ, ପୁରୀ ଜିଲ୍ଲା ସ୍କୁଲର ପ୍ରଧାନ ଶିକ୍ଷକ ଜ୍ୟୋତିର୍ମୟୀ ମିଶ୍ର, ବରିଷ୍ଠ ସାମ୍ବାଦିକ ଶଙ୍କର ବେହେରା ଉପସ୍ଥିତ ରହି କ୍ରୀଡାବିତ୍ ମାନଙ୍କୁ ଉତ୍ସାହିତ କରିଥିଲେ । ପୁରୀ ଜିଲ୍ଲା ବିଦ୍ୟାଳୟ ସମୂହ କ୍ରୀଡାଧିକାରୀ ମହେନ୍ଦ୍ର କୁମାର ବିଶ୍ଵାଳ ଏହି ତିନି ଗୋଟି କ୍ରୀଡା ପ୍ରତିଯୋଗିତାର ସଂଯୋଜକ ଭାବେ କାର୍ଯ୍ୟ ନିର୍ବାହ କରିଥିଲେ ।ଏହି ସମସ୍ତ କାର୍ଯ୍ୟ ସଭାପତି ତଥା ଜିଲ୍ଲା ଶିକ୍ଷାଧିକାରୀ ଡଃ ବିଶ୍ୱଜିତ୍ ଘୋଷ୍ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପରିଚାଳିତ ହୋଇଥିଲା । ପୁରୀ ଜିଲ୍ଲା ସ୍କୁଲ୍ ଶିକ୍ଷକ ବିଦ୍ୟାଧର ମିଶ୍ର ମଞ୍ଚ ପରିଚାଳନା କରିଥିଲେ ।