ବାଇକର ଲାଇଟ୍ ମରା କୁ କେନ୍ଦ୍ର କରି ହତ୍ୟାକାଣ୍ଡ , ୨ ଗୁରୁତର , ପୋଲିସ ମୁତୟନ 

 ନବରଙ୍ଗପୁର ଜିଲ୍ଲା କୋଡିଙ୍ଗା ଥାନା ଅନ୍ତର୍ଗତ ଚଟାହାଣ୍ଡି ଗ୍ରାମରେ ମୁହଁ ରେ ବାଇକ୍ ଲାଇଟ୍ ମରା କୁ ନେଇ ଏକ ତୁମୁଳ କାଣ୍ଡ ଘଟିଯାଇଛି । ଜଣେ ଦୂର୍ବୁତ ର ଛୁରୀ ମାଡ଼ରେ ଜଣେ ମୃତ , ଦୁଇଜଣ ଗୁରୁତର ଆହତ ହେଇଥିବା ଜଣାପଡିଛି । ହତ୍ୟା ଅଭିଯୁକ୍ତଙ୍କ ଘରକୁ ଉତକ୍ତ ଲୋକେ ନିଆଁ ଲଗାଇ ଦେଇଥିବା ବେଳେ ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ମିଳିଥିବା ସୂଚନା ଅନୁସାରେ ,  ପୂର୍ଣ୍ଣ ହରିଜନ ଓ ମହାଦେବ ଭତରା ଓ ତାଙ୍କ ତିନି ପୁତୁରା ଙ୍କ ମଧ୍ୟରେ ଗତ କାଲି ରାତିରେ ବାଇକ୍ ଅପର ଡିପର୍ ମରା କୁ କେନ୍ଦ୍ର କରି ଗୋଣ୍ଡଗଳ ହୋଇଥିଲା । ଏଥିରେ ପୂର୍ଣ୍ଣ ହରିଜନ ଏକ ଧାରୁଆ ଛୁରୀ ରେ ମହାଦେବ ଓ ଅନ୍ୟ ତିନି ଜଣଙ୍କୁ ପ୍ରହାର କରିବାରୁ ଘଟଣା ସ୍ଥଳରେ ମହାଦେବ ଭତରା ଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ତିନି ଜଣ ଗୁରୁତର ଆହତ ହୋଇଥିଲେ । ଆହତ ମାନଙ୍କୁ ପ୍ରଥମେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା , ଅବସ୍ଥା ସଙ୍କଟାପନ୍ନ ହେବାରୁ କୋରାପୁଟ କୁ ସ୍ଥାନନ୍ତରିତ କରାଯାଇଥିବା ଜଣାପଡ଼ିଛି । ଖବର ପାଇ କୋଡ଼ିଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ଶବ କୁ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଯାଇଥିବା କହିଛି ପୋଲିସ । ହତ୍ୟା କରି ପୂର୍ଣ୍ଣ ହରିଜନ ଫେରାର ଥିବା ବେଳେ ତାର ପରିବାର ଲୋକେ ମଧ୍ୟ ଗାଁ ଛାଡି କେଉଁ ଆଡେ ଚାଲିଯାଇଛନ୍ତି । ଉକ୍ଷିପ୍ତ ଲୋକେ ପୂର୍ଣ୍ଣ ହରିଜନ ର ଏକ ଚାଳ ଛପର ଘର କୁ ନିଆଁ ଲଗାଇ ଦେଇଥିଲେ । ଶେଷରେ କୋଷାଗୁମୁଡ଼ା ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରିଥିଲେ । ଏନେଇ ଗାଁ ରେ ଉତେଜନା ପ୍ରକାଶ ପାଇଛି । ପାପଡ଼ାହାଣ୍ଡି ଏସଡିପିଅ ଆଦିତ୍ୟ ସେନ୍ , କୋଡିଙ୍ଗା ଥାନା ଅଧିକାରୀ ଯୁଗଳ ଶବର ଓ ଫୋର୍ସ ମୁତୟନ ହୋଇ ବର୍ତ୍ତମାନ ପରିସ୍ଥିତି ନିୟ୍ତ୍ରଣରେ ରହିଥିବା ଜଣାପଡିଛି ।

ବି ଶ୍ରୀନିବାସ ପାତ୍ର ଙ୍କ ରିପୋର୍ଟ୍ ସଂହାର ଓଡିଶା