ଖୁଦୁରୀକୁଣୀ ଓଷା ଧୁମଧାମରେ ପାଳିତ*

ଜେନାପୁର,(ପି.ଏନ୍) ଧର୍ମଶାଳା ବ୍ଳକ୍ ଅନ୍ତର୍ଗତ ବିଭିନ୍ନ ଅଞ୍ଚଳରେ ଖୁଦୁରୀକୁଣି ଓଷା ଧୁମଧାମର ସହିତ ପାଳିତ ହୋଇଯାଇଛି । ଏହି ଓଷା ଭାଦ୍ରବ ମାସର ରବିବାରରେ ଅବିବାହିତ ଝିଅମାନେ ଭାଇର ମଙ୍ଗଳ କାମନା ସହ ଶୁଭମନାସିବା ପାଇଁ ଓଷା କରିଥାନ୍ତି । ବିପଦ ଆପଦରେ ମୋ ଭାଇକୁ ସର୍ବଦା ଭଲରେ ରଖନ୍ତୁ ଜୀବନ ଦୀର୍ଘାୟୁ ହେଉ ବୋଲି ଓଷା ମାଧ୍ୟରେ ମା ମଙ୍ଗଳଙ୍କୁ ଜଣାଇଥାନ୍ତି । ପ୍ରତି ବର୍ଷ ପରି ଏହି ବର୍ଷ ମଧ୍ୟ ବିଭିନ୍ନ ଗ୍ରାମ ପୁରପଲ୍ଲୀରେ ରାତ୍ରି ୩ଟାରୁ ଫୁଲ ତୋଳିବା ସହ ମାଙ୍କ ମୃତ୍ତି କୁ ମହା ଆଡମ୍ବରେ ସାଜସଜା କରି ଗ୍ରାମର ପ୍ରତ୍ୟେକ ଝିଅ ମିଳିତ ହୋଇ ଖୁଦୁରୀକୁଣୀ ଓଷା ବହି ପଢିଥାନ୍ତି । ଶେଷରେ ପୂଜା ଅର୍ଚ୍ଚନା କରିସାରିବା ପରେ ଭୋଗ ଖାଇ ଆନନ୍ଦ ଉଲ୍ଲାସରେ ଘରକୁ ଫେରିଥାନ୍ତି ।