ପୋଖରୀରେ ଗୋଡ଼ ଖସି ବୃଦ୍ଧାଙ୍କ ମୃତ୍ୟୁ

କୁକୁଡ଼ାଖଣ୍ଡି(ଇପିଲି ପୂର୍ଣ୍ଣଚନ୍ଦ)୦୨/୧୦/୨୩:ନିମଖଣ୍ଡି ଥାନା ଅନ୍ତର୍ଗତ ବୋରିଗାଁ ଗ୍ରାମରେ ଜଣେ ବୃଦ୍ଧା ପୋଖରୀ ରେ ବୁଡି ମୃତ୍ୟୁ ବରଣ କରିଥିବା ପୋଲିସ ପକ୍ଷରୁ ସୂଚନା ମିଳିଛି ।ସୂଚନା ପ୍ରକାରେ, ସୋମବାର ସକାଳ ୮ଟା ସମୟରେ ବୋରିଗାଁର ଗୁଡିଆବନ୍ଦ ପୋଖରୀକୁ ମାଣିକ ସାହୁ(୬୫) ନାମ୍ନୀ ଜଣେ ବୃଦ୍ଧା ଗାଧେଇବା ପାଇଁ ଯାଇଥିବା ବେଳେ କୌଣସି ଅସଭାଧାନତା ଯୋଗୁଁ ପୋଖରୀରେ ଗୋଡ଼ ଖସି ପାଣିରେ ବୁଡି ବେହୋସ ହୋଇପଡିଥିଲେ ।ଏହି ଘଟଣା ପରେ ବୋରିଗାଁ ସମିତି ସଭ୍ୟ ସନ୍ତୋଷ କୁମାର ସାହୁଙ୍କ ସମେତ ଗ୍ରାମର କିଛି ଲୋକଙ୍କ ସହଯୋଗରେ ପୋଖରୀ ରୁ ଉଦ୍ଧାର କରାଯାଇଥିଲା ।ଏହି ଘଟଣା ସମ୍ପର୍କରେ ବୃଦ୍ଧାଙ୍କ ପରିବାର ଲୋକଙ୍କୁ ଖବର ଦିଆଯାଇଥିଲା ।ଏହି ଘଟଣା ଜାଣିବା ପରେ ବୃଦ୍ଧାଙ୍କ ପୁଅ ଟିକିନା ସାହୁ(୩୦) ସଙ୍ଗେ ସଙ୍ଗେ ପୋଖରୀ ନିକଟରେ ପହଞ୍ଚିବା ସହ ଗ୍ରାମବାସୀଙ୍କ ସହାୟତା ନେଇ ଏକ ଆମ୍ବୁଲାନ୍ସ ଯୋଗେ ବ୍ରହ୍ମପୁର ଏମକେସିଜି ମେଡ଼ିକାଲକୁ ଚିକିତ୍ସା ନିମନ୍ତେ ନିଆଯାଇଥିଲା।କିନ୍ତୁ ଉପସ୍ଥିତ ଡାକ୍ତର ବୃଦ୍ଧାଙ୍କର ମୃତ୍ୟୁ ହୋଇଯାଇଥିବା କହିଥିଲେ ।ଏହି ଘଟଣା ସମ୍ପର୍କରେ ସୂଚନା ପାଇବା ପରେ ନିମଖଣ୍ଡି ଥାନା ପୋଲିସ ମେଡ଼ିକାଲରେ ପହଞ୍ଚି ବୃଦ୍ଧାଙ୍କ ମୃତ ଶରୀରକୁ ଜବତ କରିଥିବା ବେଳେ ଏକ ମାମଲା ରୁଜୁ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ତଦନ୍ତ ଜାରି ରଖିଥିବା ନେଇ ଥାନା ଅଧିକାରୀ ଭାବନନ୍ଦା ପ୍ରଧାନ ସୂଚନା ଦେଇଛନ୍ତି ।