ତିନି ଦିନିଆ ବିଶ୍ୱ ଅନ୍ତରୀକ୍ଷ ସପ୍ତାହ ଉଦଯାପିତ

ପୁରୀ ୬/୧୦ ଅନ୍ତରୀକ୍ଷ ରେ ଚନ୍ଦ୍ରୟାନ ୩ ର ସଫଳ ଅବତରଣ ଓ ତଥ୍ୟ ପ୍ରଦାନ ଆମ ଇସ୍ରୋ ବୈଜ୍ଞାନିକ ମାନଙ୍କ ଦ୍ୱାରା ଏକ ବିରାଟ ଉପଲବ୍ଧି।ଏହି ଉପଲକ୍ଷେ ଶ୍ରୀ ଜଗନ୍ନାଥ ସଂସ୍କୃତ ବିଶ୍ବ ବିଦ୍ୟାଳୟରେ ଆୟୋଜିତ ବିଶ୍ୱ ଅନ୍ତରୀକ୍ଷ ସପ୍ତାହ ଆଗାମୀ ପିଢ଼ି କୁ ପ୍ରେରଣା ଯୋଗାଇବ ବୋଲି କହିଛନ୍ତି ରାଜ୍ୟପାଳ ପ୍ରଫେସର ଗଣେଶୀ ଲାଲ।ଆଜି ଅପରାହ୍ନ ରେ ଶ୍ରୀଜଗନ୍ନାଥ ସଂସ୍କୃତ ବିଶ୍ୱ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଥିବା ତିନି ଦିନିଆ ବିଶ୍ୱ ଅନ୍ତରୀକ୍ଷ ସପ୍ତାହ ର ଉଦଯାପନ ଦିବସରରେ ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଫେସର ଶ୍ରୀ ଲାଲ ଚନ୍ଦ୍ରାୟାନ ର ସଫଳତା ପାଇଁ ବୈଜ୍ଞାନିକ ମାନଙ୍କୁ ଅଭିନନ୍ଦନ ଜଣାଇବା ସହ ମହାକାଶ କୁ ଭଲ ପାଇବା, ତଥ୍ୟ ପାଇବା,ଜନ କଲ୍ୟାଣ ରେ ତାହାକୁ ବିନିଯୋଗ କରିବା, କିନ୍ତୁ ମହାକାଶ କୁ ପ୍ରଦ୍ୟୁଷିତ କରିବା ନାହିଁ ବୋଲି କହିଥିଲେ।ଇସ୍ରୋର ନିର୍ଦ୍ଦେଶକ ଏ ରାଜରାଜନ ଅନ୍ତରୀକ୍ଷ ବିଜ୍ଞାନ ର ଅନେକ ଅଗ୍ରଗତି ଘଟିଛି।ଆମେ ପୂର୍ବରୁ ବିଫଳ ହୋଇଥିଲେ ମଧ୍ୟ ସେଥିରୁ ସଫଳତା ର ସୂତ୍ର ପାଇଛୁ।ପୁରୀ ରେ ଏହି ବିଶ୍ୱ ଅନ୍ତରୀକ୍ଷ ସପ୍ତାହ ପାଳନ ଅବସରରେ ହଜାର ହଜାର ଛାତ୍ରଛାତ୍ରୀ ଓ ଲୋକ ମାନେ ମହାକାଶ ସମ୍ପର୍କିତ ପ୍ରଦର୍ଶନୀ ଦେଖିଛନ୍ତି ବୋଲି କହିଥିଲେ।।ଏହା ଦ୍ୱାରା ସେମାନେ ପ୍ରଭାବିତ ହେବା ସହ ଭବିଷ୍ୟତ ରେ ସେମାନଙ୍କୁ ଏହା ପ୍ରେରଣା ଦେବ ବୋଲି କହିବା ସହ ଇସ୍ରୋକୁ ପରିଦର୍ଶନ ପାଇଁ ଆମନ୍ତ୍ରଣ କରିଥିଲେ।ଅନ୍ୟ ମାନଙ୍କ ମଧ୍ୟରେ ଇସ୍ରୋର ଉପ ନିର୍ଦ୍ଦେଶକ ଆର ସେନ୍ଥିଲି କୁମାର, ଶ୍ରୀଜଗନ୍ନାଥ ସଂସ୍କୃତି ବିଶ୍ୱ ବିଦ୍ୟାଳୟର କୁଳପତି ପ୍ରଫେସର ରବିନ୍ଦ୍ର କୁମାର ପଣ୍ଡା, ବିଶ୍ୱ ଅନ୍ତରୀକ୍ଷ ସପ୍ତାହ ପୁରୀ ର ଅଧ୍ୟକ୍ଷ ଅମିତାଭ ମହାନ୍ତି ପ୍ରମୁଖ ଯୋଗ ଦେଇ ଅନ୍ତରୀକ୍ଷ ବିଜ୍ଞାନ, ବୈଜ୍ଞାନିକ ଉପଲବ୍ଧି ଓ ବୈଜ୍ଞାନିକମାନ ଙ୍କ ସାଧନା ସମ୍ପର୍କରେ ଆଲୋଚନା କରିଥିଲେ।ପୂର୍ବରୁ ଅନୁଷ୍ଠିତ ବିବିଧ ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ଅତିଥି ମାନେ ପୁରସ୍କୃତ କରିଥିଲେ।ପୂର୍ବରୁ ରାଜ୍ୟପାଳ ଇସ୍ରୋ ପକ୍ଷରୁ ଆୟୋଜିତ ପ୍ରଦର୍ଶନୀ କୁ ବୁଲି ଦେଖିଥିଲେ।