ଶିକ୍ଷକ ନିଯୁକ୍ତି ନେଇ ସ୍କୁଲ ଗେଟ ସମ୍ମୁଖରେ ଧାରଣା ରେ ବସିଲେ ଛାତ୍ରଛାତ୍ରୀ

ଅନୁଗୁଳ:

ଅନୁଗୁଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ କାଣ୍ଡସର ସରକାରୀ ଉଚ୍ଚ ପ୍ରାଥମିକ ସ୍କୁଲ ରେ ଶିକ୍ଷକ ଅଭାବରୁ ଛାତ୍ରଛାତ୍ରୀ, ଅଭିଭାବକ, ନାଏବ ସରପଞ୍ଚ ନଗେନ୍ ପ୍ରଧାନ, ସରପଞ୍ଚ ସବିତା ମହାଳିକ ସ୍କୁଲ ଗେଟ୍ ତାଲା ପକାଇ ଗେଟ ସମ୍ମୁଖରେ ଧାରଣା ରେ ବସିଛନ୍ତି। ଏହି ସ୍କୁଲ ରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଥିବା ବେଳେ ୧୦୦ ରୁ ଉର୍ଦ୍ଧ ଛାତ୍ରଛାତ୍ରୀ ପାଠ ପଢ଼ନ୍ତୁ। ଏହି ସ୍କୁଲ ରେ ୪ ଜଣ ଶିକ୍ଷକ ନିଯୁକ୍ତି ହୋଇଥିବାବେଳେ ଜଣଙ୍କର ଦେହ ଅସୁସ୍ଥ ଥିବାରୁ ସେ ସ୍କୁଲ କୁ ଆସୁନାହାନ୍ତି। ତିନି ଜଣ ଶିକ୍ଷକ ରେ ସ୍କୁଲ ଚାଲୁଥିବା ବେଳେ କିଛି ବି ପାଠ ପଢା ହେଉ ନାହିଁ। ଆସନ୍ତା କାଲି ପରୀକ୍ଷା ଥିବାରୁ ଛାତଛାତ୍ରୀ ମାନେ ବାଧ୍ୟ ହୋଇ ଧାରଣା ରେ ବସିଛନ୍ତି । ଯେ ପର୍ଯ୍ୟନ୍ତ ଶିକ୍ଷକ ନିଯୁକ୍ତି ନ କରାଯିବା ସେ ପର୍ଯ୍ୟନ୍ତ ଧାରଣା ରୁ ଉଠିବୁ ନାହିଁ ବୋଲି ଦାବି କରୁଛନ୍ତି।