ଶାରଦୀୟ ବନ୍ଧୁ ମିଳନ

ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ୧୪୭ତମ ପୁଣ୍ୟ ଜନ୍ମ ଜୟନ୍ତୀ ଅବସରରେ ଫୁଲନଖରା ନିକଟସ୍ଥ ଲକ୍ଷେଶ୍ୱର ମନ୍ଦିର ପ୍ରାଙ୍ଗଣରେ ଏକ ଶାରଦୀୟ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ବନ୍ଧୁ ମିଳନ କାର୍ଯ୍ୟକ୍ରମର ପ୍ରାରମ୍ଭରେ ପୁର୍ବତନ ଭୁବନେଶ୍ବର ଉତ୍ତର ବିଧାୟକ ତଥା ପୂର୍ବତନ ଗୃହ ନିଗମ ଅଧ୍ୟକ୍ଷ ପ୍ରିୟଦର୍ଶୀ ମିଶ୍ରଙ୍କୁ ଉପସ୍ଥିତ ଶୁଭେଚ୍ଛୁମାନେ ଏକ ଶୋଭାଯାତ୍ରାରେ ବୈଠକ ସ୍ଥଳକୁ ପାଛୋଟି ନେଇଥିଲେ।ସେଠାରେ ଶ୍ରୀ ମିଶ୍ର ବାବା ଲକ୍ଷେଶ୍ଵରଙ୍କୁ ଦର୍ଶନ କରିବା ପରେ ପୁଣ୍ୟାତ୍ମା ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶ୍ରଦ୍ଧାସୁମନ ଅର୍ପଣ କରିଥିଲେ। ପରେ ଶ୍ରୀ ମିଶ୍ର ସ୍ଥାନୀୟ ଅଞ୍ଚଳର ସମସ୍ୟା ସଂମ୍ପର୍କରେ ଉପସ୍ଥିତ ସହଯୋଗୀଙ୍କ ସହ ବିଚାର ବିମର୍ଶ କରିବା ସହ ଲୋକଙ୍କ ସୁବିଧା ଅସୁବିଧା ସଂପର୍କରେ ଆଲୋଚନା କରିଥିଲେ।