ମୁଖ୍ୟମନ୍ତ୍ରୀଙ୍କ ଜନ୍ମଦିନ ଅବସରରେ ବିଜୁ ଜନତା ଦଳ ପକ୍ଷରୁ ମିଶ୍ରଣ ପର୍ବ ଅନୁଷ୍ଠିତ*

ଜେନାପୁର,(ପି.ଏନ୍) ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ଅନ୍ତର୍ଗତ ରାଇଛନ୍ଦା ପଞ୍ଚାୟତ ଅଧିନସ୍ଥ ହାଟ ପଡିଆ ଠାରେ ବିଜୁ ଜନତା ଦଳ ପକ୍ଷରୁ ୧୧ ନମ୍ବର ଜୋନ୍ ପରିସରରେ ଏକ ବିଶାଳ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଏହି ମିଶ୍ରଣ ପର୍ବରେ ଧର୍ମଶାଳାର ବିଧାୟକ ଶ୍ରୀଯୁକ୍ତ ପ୍ରଣବ କୁମାର ବଳବନ୍ତରାୟ ଉପସ୍ଥିତି ରହି ବିଜୁ ଜନତା ଦଳର ଉନ୍ନିତି କାର୍ଯ୍ୟଧାରା ଗୁଡିକ ବିସ୍ତୃତ ଭାବେ ଆଲୋଚନା କରିଥିଲେ । ତାଙ୍କ କାର୍ଯ୍ୟ ଧାରାରେ ଅନୁପ୍ରାଣିତ ହୋଇ ଆଜି ୧୧ ନମ୍ବର ଜୋନ୍ ର ରାଇଛନ୍ଦା ପଞ୍ଚାୟତ,ଏଣ୍ତଳବା ପଞ୍ଚାୟତ,ଅଞ୍ଜିରା ପଞ୍ଚାୟତ ଏବଂ ମର୍ଜିତାପୁର ପଞ୍ଚାୟତର ଶତାଧିକ କର୍ମୀ ଅନ୍ୟ ଦଳରୁ ଅନୁପ୍ରାଣିତ ହୋଇ ମାନ୍ୟବର ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶ ଓ ବିକାଶ ଧାରାରେ ଅନୁପ୍ରାଣିତ ହୋଇ ମିଶିଛନ୍ତି । ଆଗାମୀ ଦିନରେ ବିଜୁ ଜନତା ଦଳର ଗୋଟିଏ ପରିବାର ହୋଇ ମିଶି କାମ କରିବେ ବୋଲି ଚିରପରିକରବଦ୍ଧ ହୋଇଥିଲେ । ମାନ୍ୟବର ମୁଖ୍ୟମନ୍ତ୍ରୀଙ୍କ ଜନ୍ମଦିନ ଅବସରରେ ଶପଥପାଠ ସହ ଷଷ୍ଠ ଥର ପାଇଁ ଆସନରେ ବସାଇବା ପାଇଁ ସ୍ଥିର କରିଥିଲେ । ଧର୍ମଶାଳାର ଉନ୍ନତି ଓ ବିକାଶ କାର୍ଯ୍ୟକୁ ଆଗେଇ ନେବେ ବୋଲି ଶ୍ରୀଯୁକ୍ତ ବଳବନ୍ତରାୟ ପ୍ରତିଶ୍ରୁତି ଦେଇଥିଲେ ।