ଇସ୍ରାଏଲ ଆକ୍ରମଣରେ ହମାସ ସେଣ୍ଟ୍ରାଲ ବ୍ରିଗେଡ୍ ମୁଖ୍ୟ ଆୟମାନ ନୋଫେଲ ମୃତ

ଖାନ୍ ୟୁନିସ୍ : ପାଲେଷ୍ଟାଇନ ଚରମପନ୍ଥୀ ସଂଗଠନ ହମାସ ବିରୋଧରେ ଇସ୍ରାଏଲ ଚଳାଇଥିବା ଯୁଦ୍ଧରେ ଏକ ବଡ଼ ସଫଳତା ମିଳିଛି । ଇସ୍ରାଏଲ ବାୟୁ ସେନାର ଆକ୍ରମଣରେ ହମାସର ସେଣ୍ଟ୍ରାଲ ବ୍ରିଗେଡର ମୁଖ୍ୟ ଆୟମାନ ନୋଫେଲ ନିହତ ହୋଇଛି । ଏହି ଆକ୍ରମଣରେ ଆଉ ଦୁଇ ହମାସ ଆତଙ୍କବାଦୀ ନିହତ ହୋଇଛନ୍ତି ବୋଲି ଇସ୍ରାଏଲ ସେନା ପକ୍ଷରୁ କୁହାଯାଇଛି ।

ଗାଜା ଉପତ୍ୟକାରେ ଇସ୍ରାଏଲ ବୋମାମାଡ଼ରେ ନିହତ ହୋଇଥିବା ହାମାସର ସବୁଠାରୁ କୁଖ୍ୟାତ ଉଗ୍ରବାଦୀ ହେଉଛନ୍ତି ଆୟମାନ ନୋଫେଲ। ମଙ୍ଗଳବାର ଦିନ କେନ୍ଦ୍ରୀୟ ଗାଜା ଉପତ୍ୟକାରେ ଥିବା ବୁରେଜି କ୍ୟାମ୍ପକୁ ଟାର୍ଗେଟ କରି ହୋଇଥିବା ଇସ୍ରାଏଲର ଆକ୍ରମଣରେ ନୋଫେଲ ମୃତ୍ୟୁବରଣ କରିଥିଲା । ସେ ମଧ୍ୟ ଅବୁ ମହମ୍ମଦ ନାମରେ ପରିଚିତ ଥିଲା ।