ମୁଣ୍ମୟୀ ଦୁର୍ଗାଦେବୀଙ୍କ ପୀଠରେ ମହାଷ୍ଟମୀ ଓ ସନ୍ଧିବଳି ପ୍ରେକ୍ଷଣ ପାଳିତ 

ପବିତ୍ର ଶାରଦୀୟ ଦୁର୍ଗା ମହାଷ୍ଟମୀ ତିଥିରେ ମୁଣ୍ମୟୀ ଦୁର୍ଗାଦେବୀଙ୍କ ପୀଠରେ ମହାଷ୍ଟମୀ ପୂଜାର୍ଚ୍ଚନା ଓ ସନ୍ଧିବଳୀ ପ୍ରେକ୍ଷଣ କାର୍ଯ୍ୟକ୍ରମ ପାଳିତ କରାଯାଇଅଛି | ଏହି ଅବସରରେ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ହରିପୁର ଗ୍ରାମର ଦୁର୍ଗା ମା’ଙ୍କ ଆଦ୍ୟ ସେବକ ସ୍ବର୍ଗତ ସୋମନାଥ ବାରିକଙ୍କ ଦ୍ୱାରା ୧୯୮0 ମସିହା ଠାରୁ ଆରମ୍ଭ କରାଯାଇଥିବା ୪୪ତମ ଦୁର୍ଗାପୂଜା ନିମନ୍ତେ ଆଜି ମହାଷ୍ଟମୀରେ ପ୍ରଭାତରୁ ମା’ଙ୍କ ନିକଟରେ ମଙ୍ଗଳ ଆଳତୀ, ସୂର୍ଯ୍ୟପୂଜା, ହୋମ, ପୂଜାର୍ଚ୍ଚନା ସମେତ ସନ୍ଧ୍ୟାରେ ୧0୮ଦୀପଦାନ, ଆରତୀ ପୁଷ୍ପାଞ୍ଜଳି ଓ ରାତ୍ରି ୮ଟାରେ ସନ୍ଧିପୂଜା ଆଧାରରେ ସନ୍ଧିବଳି ପ୍ରେକ୍ଷଣ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା | ବରିଷ୍ଠ ବ୍ରାହ୍ମଣ ପଣ୍ଡିତ ଦିଲ୍ଲୀପ ସାମନ୍ତରାୟ, ପ୍ରତାପ ମହାପାତ୍ର ଓ ସୁକାନ୍ତ ସାମନ୍ତରାୟଙ୍କ ପୌରାହିତ୍ୟରେ କର୍ତ୍ତା ପ୍ରଭାସ ବାରିକ ପୂଜାର୍ଚ୍ଚନାରେ ଉପଵେଶନ କରିଥିଲେ | ଏଥିରେ ବେଙ୍ଗଳତା ଦେଇ, ସୁବାସ ବାରିକ, ସବିତା ବେହେରା, ଶର୍ମିଲା ବାରିଜ, ଆଶିଷ ବେହେରା, ପୂର୍ଣଚନ୍ଦ୍ର ବାରିକ, ବନିତା ବାରିକ, ଜୀନା ବାରିକ, ବରିଷ୍ଠ  ପ୍ରଧାନ ଶିକ୍ଷୟିତ୍ରୀ ମମତା ଦାସ, ସତ୍ୟନାରାୟଣ ମିଶ୍ର, ଗୀତାଞ୍ଜଳି ପଲାଇ ସମେତ ଗ୍ରାମର ବହୁ ଶ୍ରଦ୍ଧାଳୁ ଯୋଗ ଦେଇ ମା’ଙ୍କ ନିକଟରେ ଶରଣାପନ୍ନ ଭାବେ କୃପା ଭିକ୍ଷା କରିଥିଲେ | ଗ୍ରାମର ବହୁ ମହିଳା ଶ୍ରଦ୍ଧାଳୁ ଦୁର୍ଗାଷ୍ଟମୀରେ ମା’ଙ୍କ ନିକଟରେ ପୂଜା କରିଥିଲେ |  ସେହିଭଳି ହାଟବରଡ଼ିହ, ବଉଳାବନ୍ଧ, ନଈରୀ, ନାଚୁଣୀ, ବିରିବାଡ଼ି ପ୍ରଭୃତି ଗ୍ରାମର ଦୁର୍ଗାମଣ୍ଡପରେ ଆଜି ଶାରଦୀୟ ମହାଷ୍ଟମୀରେ ଦୀପଦାନ ଓ ସନ୍ଧିପୂଜା ସମେତ ବିଧିବିଧାନ ଅନୁଯାୟୀ ଶାରଦୀୟ ପୂଜାର୍ଚ୍ଚନା ଅନୁଷ୍ଠିତ କରାଯାଇଥିଲା |