ନେହେରୁ ଯୁବକେନ୍ଦ୍ର ପକ୍ଷରୁ ମୋମାଟି ମୋ ଦେଶ କାର୍ଯ୍ୟକ୍ରମ ଅନୁଷ୍ଠିତ

ନୂଆପଡ଼ା:(ବିରବଲ ପ୍ରଧାନ)ନୂଆପଡା ଜିଲା ବୋଡେନ ଠାରେ ନେହେରୁ ଯୁବ କେନ୍ଦ୍ର ତରଫରୁ ଆଜାଦି କା ଅମୃତ ମହୋତ୍ସବ ଉପଲକ୍ଷେ ମେରି ମାଟି ମେରି ଦେଶ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଜାତୀୟ ଯୁବ ସ୍ବେଛାସେବୀ ଭଞ୍ଜ କିଶୋର ନାଏକଙ୍କ ଅଧ୍ଯକ୍ଷତାରେ ଆୟୋଜିତ କାର୍ଯ୍ୟକ୍ରମରେ ପୋଲିସ ସବଇନିସପେକ୍ଟର ଜିତୁ ମହାନନ୍ଦ ମୁଖ୍ୟ ଅତିଥି, ବୋଡେନ ପୋଷ୍ଟମାଷ୍ଟର ସିତାରାମ ସାହୁ, ବୋଡେନ ଏବିଡିଓ ନେପାଳ ଚନ୍ଦ୍ର ଦାସ, ଏବିଇଓ ଦିଲୀପ କୁମାର ଦାସ ପ୍ରମୁଖ ସମ୍ମାନିତ ଅତିଥି ଭାବରେ ଯୋଗଦେଇଥିଲେ। ବୋଡେନ ବିଜୁ ପଟ୍ଟନାୟକ ମହାବିଦ୍ୟାଳୟ ଅଧ୍ୟାପକ ମୁଖ୍ୟବକ୍ତା ଭାବରେ ଯୋଗ ଦେଇଥିଲେ। ଶପଥପାଠ, ବସୁଧା ବନ୍ଦନ, ବୀରଙ୍କୁ ସମ୍ମାନ ଦେଇ ବ୍ଳକର ପ୍ରତ୍ୟେକ ପଞ୍ଚାୟତ ଓ ଗାଁରୁ ସଂଗ୍ରହ କରାଯାଇଥିବା ମାଟି କଳସକୁ ନେହେରୁ ଯୁବ କେନ୍ଦ୍ର ସ୍ବେଛାସେବୀ ଅଞ୍ଜଳି ଶବର ଓ ଭଞ୍ଜ କିଶୋର ନାଏକଙ୍କ ହାତରେ ଅର୍ପଣ କରାଯାଇଥିଲା । ଏହି କାର୍ଯ୍ୟକ୍ରମରେ ବିଜୁ ପଟ୍ଟନାୟକ ମହାବିଦ୍ୟାଳୟ ଛାତ୍ରୀଛାତ୍ର, ଏନଏସଏସ ସ୍ବେଛାସେବୀ, ଏନସିସି, ରେଡକ୍ରସ, ସ୍କାଉଟ ଗାଇଡ୍ ଓ ଯୁବ ଅନୁଷ୍ଠାନର

ଯୁବକମାନେ ସାମିଲ ହୋଇଥିଲେ।