ତକତପୁର ଦୁର୍ଗାପୂଜା ରୌପ୍ୟ ଜୟନ୍ତୀ ସମାରୋହ

ବାରିପଦା  ୨୫/୧୦ ତକତପୁର ଦୁର୍ଗାପୂଜା କମିଟି ପକ୍ଷରୁ ଚଳିତ ବର୍ଷ ରୌପ୍ୟ ଜୟନ୍ତୀ ବର୍ଷ ହୋଇଥିବାରୁ ମାନ୍ୟଗଣ୍ୟ ଅତିଥିମାନଙ୍କ ଉପସ୍ଥିତିରେ ରୌପ୍ୟ ଜୟନ୍ତୀ ସମାରୋହ ପାଳିତ ହୋଇ ଯାଇଛି. ଦୁର୍ଗାପୂଜା କମିଟିର ସଭାପତି ହୃଷିକେଶ ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁ, ରାଜ୍ୟ ଅନୁସୂଚିତ ଜାତି ଜନଜାତି  ଏବଂ ସଂଖ୍ୟା ଲଘୁ ଉପଦେଷ୍ଟା ସରୋଜିନୀ ହେମ୍ବ୍ରମ, ବାରିପଦା ନଗରପାଳ କୃଷ୍ଣାନନ୍ଦ ମହାନ୍ତି,  ସମାଜସେବୀ ଗିରିଶ ଚନ୍ଦ୍ର ଦାସ, ଭଞ୍ଜସେନାର ପ୍ରତିଷ୍ଠାତା କଳିଙ୍ଗ କେଶରୀ ଜେନା, ଜିଲ୍ଲା ଯୋଜନା ବୋର୍ଡର ଏକ୍ସପାର୍ଟ ସଦସ୍ୟ ଜିତେନ୍ଦ୍ର ମହାନ୍ତି, ପୂର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, ଏସଡିସି ଚେୟାରମେନ ଡା. ଦେବାଶିଷ ମାରାଣ୍ଡି, କାଉନସିଲର ଶିବ ପାତ୍ର, ଫାଗୁ ହାଁସଦା, ସାମ୍ବାଦିକ ଦୀପକ କୁମାର ନାୟକ, ସତ୍ୟଜିତ ସୋମ, ମାଣିକ ଲାଲ ପାଣି, ଲକ୍ଷ୍ମଣ କୁମାର ଜେନା ପ୍ରମୁଖ ଯୋଗଦେଇ ଦୀର୍ଘ ୨୫ ବର୍ଷ ଧରି କମିଟିର କାର୍ଯ୍ୟକ୍ରମକୁ ପ୍ରଶଂସା କରିଥିଲେ. ପଙ୍କଜ କୁମାର ମହାକୁଡ଼ ମଞ୍ଚ ପରିଚାଳନା କରିଥିବା ବେଳେ, ବରିଷ୍ଠ କର୍ମକର୍ତ୍ତା ଉପେନ୍ଦ୍ର ସାମଲ, ଅଜିତ ପାତ୍ର, ସୋରଜ ଦାସ, ବୀରେନ୍ଦ୍ର ବେହେରା, ନାରାୟଣ ମହାନ୍ତ ପ୍ରମୁଖ ମଂଚାସୀନ ଥିଲେ. ଏହି ଅବସରରେ ପ୍ରସିଦ୍ଧ ସମ୍ବଲପୁରୀ ଗାୟକ ମଣ୍ଟୁ ଛୁରିଆଙ୍କ ରଙ୍ଗାରଙ୍ଗ ମେଲୋଡି କାର୍ଯ୍ୟକ୍ରମକୁ ହଜାରହଜାର ଦର୍ଶକ ଉପଭୋଗ କରିଥିଲେ.