୩୦୦ରୁ ଊର୍ଦ୍ଧ୍ବ ପ୍ରତିନିଧିଙ୍କ ପଞ୍ଜାବ କାଦିଆନ ଗସ୍ତ

ଅହମଦୀୟା ମୁସଲିମ ଆନ୍ତ ସଂଗଠନର ୫୪ତମ ଜାତୀୟ ସ୍ତରୀୟ ବାର୍ଷିକ ଇଜତେମା ଚଳିତ ବର୍ଷ ୨୭-୨୯ ଅକ୍ଟୋବରକୁ ପଞ୍ଜାବର କାଦିଆନ ସହରରେ ଅନୁଷ୍ଠିତ ହେବାକୁ ଯାଉଛି । ଏଥିରେ ଯୋଗଦେବା ପାଇଁ ଓଡିଶାରୁ ପ୍ରାୟ ୩୦୦ରୁ ଊର୍ଦ୍ଧ୍ବ ପ୍ରତିଯୋଗୀ ଭାଗନେଉଛନ୍ତି । ଏଥିରେ ଅହମଦି ଯୁବକ, ଯୁବତୀ, ପୁରୁଷ ଏବଂ ସ୍ତ୍ରୀ ଲୋକମାନେ ଟ୍ରେନରେ ପଞ୍ଜାବ ଗସ୍ତ କରିଛନ୍ତି । ଏହି ଇଜତେମାରେ ଓଡିଶାରୁ ଫୁଟବଲ ଦଳ, ଭଲିବଲ ଦଳ, କବାଡି ଦଳ, ୧୦୦ ମିଟର, ୨୦୦ ମିଟର, ରିଲେ ଦୌଡରେ ସାମିଲ ହେବା ପାଇଁ ଟିମ ଯାଇଛି । ଏହା ବ୍ୟତୀତ ଧାର୍ମିକ କାର୍ଯ୍ୟକ୍ରମରେ ବକୃତା, କୁଇଜ, ସଂଗୀତ, ପବିତ୍ର କୋରାନ ପାଠ ଏବଂ ପ୍ରବନ୍ଧ ପ୍ରତିଯୋଗିତା ହେବାର ରହିଛି । ଏହି କାର୍ଯ୍ୟକ୍ରମରେ କଟକ ଜିଲ୍ଲା, ଖୋର୍ଦ୍ଧା ଜିଲ୍ଲା, ଭଦ୍ରକ ଜିଲ୍ଲା, ବାଲେଶ୍ବର ଜିଲ୍ଲା, ମୟୁରଭଞ୍ଜ ଜିଲ୍ଲା, ନୟାଗଡ ଜିଲ୍ଲା, କନ୍ଧମାଳ ଜିଲ୍ଲା,ବୌଦ୍ଧ ଜିଲ୍ଲା, ରାୟଗଡ ଜିଲ୍ଲା, କଳାହାଣ୍ଡି ଜିଲ୍ଲା, ଢେଙ୍କାନାଳ ଜିଲ୍ଲା ଏବଂ ସୁନ୍ଦରଗଡ ଜିଲ୍ଲାରୁ ପ୍ରତିନିଧିମାନେ ଯୋଗ ଦେବାର ରହିଛି ।