ରାମଚନ୍ଦ୍ର ବଜାର ରେ ରାବଣ ପୋଡି ଉତ୍ସବରେ ଯୋଗ ଦେଲେ ମୃଦୁଳା ଠାକୁର ପ୍ରଧାନ

ତାଳଚେର:ତା୨୭/୧୦: ତାଳଚେର ଟାଉନ ରାମଚନ୍ଦ୍ର ବଜାର କମିଟି ତରଫରୁ ରାବଣ ପୋଡି ଉତ୍ସବ ପାଳିତ ହୋଇଯାଇଛି।ରାମଚନ୍ଦ୍ର ବଜାର କମିଟି ର ସଭାପତି ବରିଷ୍ଠ ବିଜେପି ନେତା ଯଯାତି ପଟ୍ଟନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ବିକାଶ ଫାଉଣ୍ଡେସନ ଟ୍ରଷ୍ଟ ର ଅଧ୍ୟକ୍ଷ ତଥା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଧର୍ମପତ୍ନୀ ମୃଦୁଳା ଠାକୁର ପ୍ରଧାନ ମୂଖ୍ୟ ଅତିଥି ଭାବେ ଯୋଗ ଦେଇ ପ୍ରବଳ ପ୍ରତାପୀ, ଜ୍ଞାନୀ, ଗୁଣି, ରାବଣ ର ଅହଂକାର ପାଇଁ ପତନ ହେଲା ,ଯୁଗେ ଯୁଗେ ଅହଂକାର ପାଇଁ ରାବଣ ଭଳି ଚରିତ୍ର ର ପତନ ନିଶ୍ଚିତ ହେବ ବୋଲି ପ୍ରକାଶ କରିଥିଲେ।ଆମ ପାଖରେ ରାମ, ରାବଣ ଗୁଣ ଅଛି, ରାବଣ ଗୁଣ କୁ ଦହନ କରି ରାମ ଙ୍କ ଗୁଣ କୁ ଆଦରି ନେଇ ସମାଜ ପାଇଁ କାର୍ଯ୍ୟ କରିବାକୁ ଶ୍ରୀମତୀ ପ୍ରଧାନ ଆହ୍ୱାନ ଦେଇଥିଲେ। ବାଣ ରେ ନିର୍ମିତ ରାବଣ ର ମୂର୍ତ୍ତି ରେ ଶ୍ରୀମତୀ ପ୍ରଧାନ ଅଗ୍ନି ସଂଯୋଗ କରି ଦହନ କରିଥିଲେ।ଉକ୍ତ କାର୍ଯ୍ୟକ୍ରମରେ

ଅବସର ପ୍ରାପ୍ତ ତାଳଚେର ମହାବିଦ୍ୟାଳୟ ର ଅଧ୍ୟକ୍ଷ ଅଶୋକ ଶର୍ମା ମୁଖ୍ୟ ବକ୍ତା ଭାବେ ଯୋଗଦେଇ ରାବଣ ପୋଡି ଉତ୍ସବ ର ମହତ୍ତ୍ୱ ଉପରେ ଆଲୋକପାତ କରିଥିଲେ।ରାମଚନ୍ଦ୍ର ବଜାର କମିଟି ର  ଆନନ୍ଦ ମହାପାତ୍ର, ପ୍ରଭାକର ଖୁଣ୍ଟିଆ, ଭାଗିରଥି ମହାରଣା, ସନ୍ତୋଷ ଅଗ୍ରୱାଲ, କାଉନସିଲର ସନ୍ତୋଷ କୁମାର ବେହେରା ପ୍ରମୁଖ ମଞ୍ଚସିନ ଥିଲେ।୫ହଜାର ରୁ ଉର୍ଦ୍ଧ୍ବ ଜନସାଧାରଣ ଉକ୍ତ କାର୍ଯ୍ୟକ୍ରମରେ ଉପସ୍ଥିତ ଥିଲେ।